Milliy qadriyatlar millatning o‘ziga xosligi, etnik xususiyatlari va madaniy an’analarining mujassamidir. Aynan shu qadriyatlar tufayli xalq o‘zligidan ajralmaydi, tarixiy xotirasini yo‘qotmaydi va ma’naviy kamolot sari intiladi.

🔺Shu maqsadda, Turon universitetida “Milliy qadriyatlar – millat ma’naviyatining ko‘zgusi” mavzusida ma’naviy-ma’rifiy tadbir tashkil etildi. Tadbirlarda professor-o‘qituvchilar, tyutorlar, talabalar va faxriy mehmonlar ishtirok etishdi. Unda milliy qadriyatlarning jamiyatimiz taraqqiyotidagi o‘rni, yoshlar tarbiyasidagi ahamiyati hamda madaniy merosimizni asrab-avaylash masalalari muhokama qilindi.

🔹Tadbir davomida ishtirokchilar milliy urf-odatlar, tarixiy meros va madaniyatning jamiyat taraqqiyotiga ta’siri haqida o‘z fikr-mulohazalarini bildirishdi. Shuningdek, milliy liboslar, an’anaviy hunarmandchilik namunalari va xalq ijodiyoti mahsulotlari namoyish etildi.

🔻Tadbir yakunida ishtirokchilar milliy qadriyatlarni yoshlar orasida keng targ‘ib etish, ularning milliy g‘urur va iftixor tuyg‘usini mustahkamlashga doir muhim takliflar bildirishdi. Bunday tadbirlar milliy merosimizni asrash va kelajak avlodga yetkazishda katta ahamiyat kasb etadi.

🌐Bizning sahifalar:
🚀TELEGRAM / 📷INSTAGRAM /
🎬YOUTUBE / 🔵FACEBOOK