💬Qarshi shahar 1-son ixtisoslashtirilgan maktab-internati o‘quvchilari Turon universitetida o‘tkazilgan “Ochiq eshiklar kuni” yoshlar uchun foydali tavsiyalarga boy bo‘ldi.

🔺Kelajakda ushbu dargohda o‘qish va sharafli kasbni egallash maqsadini qo‘ygan 1-son ixtisoslashtirilgan maktab-internati o‘quvchilari dastlab universitetda yaratilgan shart-sharoitlar, axborot-resurs markazi faoliyati bilan tanishdilar. Universitetning ulkan imkoniyatlari, bu yerda jamlangan kitoblar fondi, talabalar uchun yaratilgan zamonaviy sharoitlar, ayniqsa kompyuter va laboratoriya xonalari o‘quvchilarda katta qiziqish uyg‘otdi.

🔺Shundan so‘ng, universitet rahbariyati, bir guruh professor-o‘qituvchilar va o‘quvchilar ishtirokida uchrashuv bo‘lib o‘tdi. Unda o‘qishga kirish tartibi, imtihonlar va ixtisoslik yo‘nalishlari xususiyatlari, tizim uchun malakali kadrlar tayyorlash maqsadida ta’lim jarayoniga joriy qilingan ilg‘or yondashuvlar haqida so‘z bordi.

💠Ayniqsa, pedagogika va psixologiya kafedrasi o‘qituvchilari tomonidan tashkil etilgan psixologik trening hamda turli metodlar va viktorinalar orqali o‘tkazilgan o'zaro bellashuv o‘quvchilarga katta motivatsiya ulashdi.