Yakuniy nazorat imtihonlari (shu jumladan apellyatsiya komissiyasi faoliyati ham) ovozli kuzatuv kameralari bilan jihozlangan katta sig‘imli auditoriyalarda o‘tkaziladi hamda tegishli fan bo‘yicha o‘quv mashg‘ulotlarini muayyan guruh (talaba) uchun olib bormagan professor-o‘qituvchilar (keyingi o‘rinlarda - baholovchi professor-o‘qituvchi) tomonidan baholanadi.
Yakuniy nazorat turi test shaklida bo‘lganda - testlar maxsus jihozlangan kompyuter sinf xonalarda video kuzatuv ostida o‘tkazilishi mumkin.
Barcha yakuniy nazorat imtihonlari, shu jumladan, baholash jarayoni bo‘yicha videoyozuvlar kamida bir yil davomida saqlanadi.