#bilasizmi
#sugʻurta

🚗 Sizning huquqlaringiz himoyalangan:
YTH sodir boʻlganda qanday qilib kompensatsiya olish mumkin?

Yoʻl-transport hodisasiga uchragan boʻlsangiz, aybdor nomaʼlum yoki sugʻurtasi yoʻqmi? Sugʻurta kompaniyangiz toʻlovga qobiliyatsiz deb topildimi? Vahimaga oʻrin yuq — Oʻzbekistonda Sugʻurta toʻlovlarini kafolatlash jamgʻarmasi mavjud boʻlib, u standart sugʻurta mexanizmlari ishlamagan taqdirda zararni qoplashi mumkin.

📑 Kompensatsiya olish uchun nimalar kerak ?
✔️aybdorning sugʻurta polisi (mavjud boʻlsa);
✔️sud qarori, agar ish sud tomonidan koʻrib chiqilgan boʻlsa;
✔️yetkazilgan zarar miqdori va faktini tasdiqlovchi hujjatlar (yoʻl-transport hodisasi toʻgʻrisidagi xulosa yoki qaror, sud-tibbiy ekspertiza hujjatlari);
✔️mol-mulkka yetkazilgan zarar miqdori va faktini tasdiqlovchi hujjatlar (mol-mulkni mustaqil baholash dalolatnomalari va h.k.);
✔️jabrlanuvchining shaxsini yoki uning davlat roʻyxatidan oʻtganligini tasdiqlovchi hujjatlar;
✔️meros yoki huquqiy vorislik huquqi vujudga kelganligini tasdiqlovchi hujjatlar.

👉 Jamgʻarmaga iltimosnoma (ariza) qanday topshiriladi?

📝 Yagona interaktiv davlat xizmatlari portali (https://my.gov.uz/uz/service/254) orqali yoki hujjatlarni Jamgʻarmaga tashrif buyurib taqdim qilgan holda yoxud hujjatlar toʻplamini info@tkj.uz elektron pochtasiga yuborish orqali topshirish mumkin.
Koʻrib chiqish muddati – 30 kun, toʻlov – qaror qabul qilingandan keyin bir hafta ichida.

💰 Maksimal pul miqdori – 40 mln. soʻm:
🔹 Hayot va sogʻliqqa yetkazilgan zararni qoplash uchun – 26 mln. soʻmgacha;
🔹 Mol-mulkka yetkazilgan zarar uchun – 14 mln. soʻmgacha.

Batafsil

📍 Bizning rasmiy sahifalarimizga quyidagi havolalar orqali obuna bo‘ling 👇

Telegram | Facebook | Veb sayt | Instagram|Youtube