Тошлоқ туманида амалга оширилаётган бунёдкорлик ишлари ҳамда кичик бизнес ва оилавий тадбиркорлик фаолиятлари билан танишиш мақсадида вилоятдаги ОАВ иштирокида пресс-тур ташкил этилди. 

ОАВ вакиллари тумандаги “Ахшак гузар” МФЙда кичик бизнесни йўлга қўйган тадбиркорлар фаолияти билан яқиндан танишдилар.  Азизбек Маматқуловнинг бўш турган 8.5 сотих ери бор эди. Маҳалла ҳоким ёрдамчисининг кўмаги билан имтиёзли кредит олди. Иссиқхона қурди ва хориждан турли гул уруғларини олиб келиб экди. Январь ойида эккан гул уруғлар, февралнинг бошида бўй кўрсатди. Бугун эса гул кўчатлар ғунча тугибди. Бу гуллар тез кунда мамлакатимизнинг ички бозорларига сотилади.

ОАВ вакиллари Бегали ака Тиллабоевнинг хонадонида бўлиб, унинг фаолиятини кўздан кечирдилар. Айтиш керак, ака етиштираётган булғор қалампирлар Фарғона шаҳридаги бозорларга етказиб берилмоқда. Топилаётган даромадлар ёмон эмас. Бу йил яна битта машина олишни режа қиляпти.

Журналист ва ижтимоий тармоқ фаоллари оилавий тадбиркорлар амалга ошираётган ишлари, мамлакатимизнинг турли бозорларига сабзавот, кўкат ҳамда кўчатларни етказиб бераётган ишбилармонлар фаолияти ҳамда туманда амалга оширилган самарали ишлар билан яқиндан танишдилар.

Toshloq.uz✅Facebook✅Telegram 📹YouTube