"- Божхона ҳудудида қайта ишлаш" режимидан фойдаланиш натижасида 5 млрд. сўмга яқин маблағлар корхонамиз ихтиёрида қолди..." - дейди , "Pulp and paper" корхонаси раҳбари Р. Баҳриддинов.

Бугунги кунда корхонада гигиеник қоғоз маҳсулотлари ишлаб чиқарилади. Корхона томонидан 2024 йилда қайта ишланган 8,8 млн. долларлик товарлар хориж бозорларига экспорт қилинди.

Тошкент шаҳар божхона бошқармаси бошлиғи Т.Саидов корхона мутасаддилари билан ўтказилган суҳбат давомида тадбиркорларнинг соҳага оид таклиф ва фикрлари, уларнинг мавжуд муаммоларини ўрганди.

Шунингдек, бугунги кунда божхона соҳасида тадбиркорлар учун яратилган қулай шароитлар, имкониятлар ва кўрсатилаётган замонавий божхона хизматлари хусусида маълумотлар етказилди.