“Odamzod degani kim o’zi, nima o’zi? U qanday jumboqki, hech qanday alloma aniq yechimini aytib bilmaydi.
Kelib ketmoqlikni ma’nosi nima? Har holda itday yeb, bitday ko’payish emasdir…
Har qadamingda choh, har qadamingda gunoh, har qadamingda aldov….
Odamlarni nima jin urdi?
Menga nima bo’lyapdi?.. “
Bonu

Ba’zan, inson kitobni emas kitob insonni tugatadi.

Kursdoshim o’qiyotgani sabab qiziqib boshlangan kitob, bir nechga varoqlarda o’ziga rom qildi-yu qo’ydi.Ancha vaqtdan buyon kitob qahramonlari bilan bunchalik birga kulib , birga yig’lab , birgalikda yonib, kuymagan edim.
Bonu- dadasining erka qizi. U boshqa bolalar kabi ko’chalarni changitib ertalabdan kechgacha o’ynamadi. Xondaxtaga tirsak sanchib Allohning kalomini , Rasulullohning hadislarini va ba’zan Huvaydo g’azallarini tinglab , yodlab katta bo’ldi.