Kuni kecha Toshkent Tibbiyot Akademiyasining 2024-yil yakunlariga bag‘ishlangan ilmiy kengash yig‘ilishi bo‘lib o‘tdi.

An'anaga binoan tibbiy pedagogika va klinik amaliyotda ma'lum muvaffaqiyatlarga erishib kelayotgan olimlarimizni qutlash va tabarruk yoshlarini nishonlayotgan ustozlarni e'tirof etish,hamda iqtidorli talabalarni fan olimpiadalarida erishgan yutuqlari bilan tabriklashdan boshlandi.

Ushbu muhim tadbirda akademiya faoliyatining yillik natijalari sarhisob qilindi va kelgusi rejalar muhokama etildi.

Ilmiy kengashni akademiya rektori v.v.b Sh.Boymuradov boshqarib, 2024-yilda erishilgan asosiy yutuqlar, xususan, ilmiy-tadqiqot ishlari, o‘quv jarayonlarini takomillashtirish, xalqaro hamkorlik va innovatsion loyihalar bo‘yicha qilingan ishlar batafsil bayon etildi.

Yig‘ilish davomida quyidagi yo‘nalishlar bo‘yicha muhim masalalar ko‘rib chiqildi:

Talabalar bilim sifatini oshirish: Zamonaviy o‘quv dasturlari va usullarini joriy etish samaradorligi tahlil qilindi.

Ilmiy izlanishlar: Akademiya olimlari tomonidan nashr etilgan ilmiy maqolalar soni va ularning xalqaro miqyosdagi tan olinishi haqida ma’lumotlar berildi.

Davolash ishlari: Akademiyaning klinikalari va tibbiy markazlarida amalga oshirilgan davolash usullari samaradorligi muhokama qilindi.

Xalqaro aloqalar: Dunyoning yetakchi tibbiyot universitetlari bilan tuzilgan yangi shartnomalar va qo‘shma dasturlar taqdimoti qilindi.

Shuningdek, 2025-yil uchun belgilangan ustuvor vazifalar ham e’lon qilindi. Jumladan, talabalar uchun innovatsion texnologiyalardan foydalanish, yangi o‘quv uslublarini joriy etish va ilmiy laboratoriyalarni zamonaviy jihozlar bilan boyitish rejalari ilgari surildi.

✅Bizni kuzatishda davom eting!

TMA.uz | Telegram | Facebook | Instagram | YouTube | X