🏆"Termiz iqtisodiyot va servis universiteti rektori kubogi" ochiq turniri bo'lib o'tdi

🔵Termiz shahridagi "Kurash" majmuasida Karate WKF sport turi bo‘yicha bolalar, o‘smirlar va yoshlar o‘rtasida o‘tkazilayotgan "Termiz iqtisodiyot va servis universiteti rektori kubogi" ochiq turniri tashkil etildi.

🔵Mazkur musobaqani o'tkazishda  universitet bilan birgalikda, Karate WKF assotsiatsiyasi Surxondaryo viloyati bo'limi,  viloyat sport boshqarmasi hamda "Respect" sport klubi yaqindan hamkorlik qildi.

🔵O'zbekiston Respublikasi Prezidentining 2023-yil 3- noyabrdagi "Karate WKF sport turini yanada rivojlantirish to'g'risida"gi qaroriga asosan tashkil etilgan mazkur musobaqada Surxondaryo viloyat hokimi o'rinbosari I.Saparov, Karate WKF bo'yicha O'zbekiston milliy terma jamoasi bosh murabbiysi S.Yusupov, Termiz iqtisodiyot va servis universiteti rektori A.Sattorov, Davlat xavfsizligi xizmati Surxondaryo viloyati boshqarmasi boshlig'i o'rinbosari G'.To'xliyev, shuningdek, sport sohasida e'tirof etilgan mutaxassislar marosimning faxriy mehmonlari sifatida tashrif buyurishdi.

🔵18-19 yanvar kunlari bo'lib o'tadigan turnirda Surxondaryo viloyatidagi barcha shahar va tumanlardan tashrif buyurgan 600 nafardan ortiq 5 yoshdan 17 yoshgacha bo'lgan bolalar va o'smirlar ishtirok etishmoqda.

🔵8-9, 13-14 hamda 16-17 yosh o'rtasida bo'lib o'tgan musobaqaning dastlabki g'oliblari universitet homiyligi asosida, medal, diplom va qimmatbaho esdalik sovg'alari bilan taqdirlandi.

🔵Bahslar juda qizg'in tarzda bo'lib o'tdi.

⚡️ Ijtimoiy tarmoqdagi sahifalarimizni kuzatib boring!
Instagram  l  Telegram  l  Website  l  You Tube | Facebook