🤝🌏👨‍🏫👩‍🏫2️⃣2️⃣2️⃣

O‘zDJTU va Milliy estrada san’ati instituti o‘rtasida hamkorlik memorandumi imzolandi

Bugun O‘zbekiston davlat jahon tillari universiteti va Botir Zokirov nomidagi Milliy estrada san’ati instituti o‘rtasida “Hamkorlik memorandumi” imzolandi.

Tadbir mehmonlarni kutib olish bilan boshlandi. So‘ngra, O‘zbekiston Respublikasining Davlat madhiyasi yangradi.

O‘zDJTU rektori Ilxomjon Tuxtasinov ochilish so‘zida ushbu memorandumning ahamiyati, ta’lim va madaniyat sohalaridagi o‘zaro hamkorlikni rivojlantirishdagi o‘rni haqida fikr bildirdi. Shundan so‘ng, Milliy estrada san’ati instituti rektori Avaz Mansurov so‘zga chiqib, memorandumning ijodiy ta’lim jarayonlariga qo‘shadigan hissasi haqida gapirdi.

Shundan so‘ng, hamkorlik memorandumi imzolandi va tomonlar kelgusidagi rejalari haqida fikr almashdi.

Tadbir san’atshunoslik yo‘nalishidagi talabalar ishtirokidagi badiiy chiqishlar bilan davom etdi. Milliy estrada san’ati instituti talabalari tomonidan ijro etilgan qo‘shiqlar hamda O‘zDJTU talabalarining milliy raqsi tadbirga o‘zgacha ruh bag‘ishladi.

Ushbu memorandum ikki muassasa o‘rtasidagi hamkorlikni mustahkamlash, talabalar uchun yangi imkoniyatlar yaratish va madaniy almashinuvni kengaytirishga xizmat qiladi.

🌐 Biz ijtimoiy tarmoqlarda:
Telegram | Instagram | Facebook | Sayt