O'zDJTU | UzSWLU | УзГУМЯ

1️⃣2️⃣3️⃣4️⃣5️⃣

OʻzDJTU va Portsmouth universiteti professorlari oʻrtasida uchrashuv boʻlib o‘tdi

6-mart kuni Oʻzbekiston davlat jahon tillari universitetida Buyuk Britaniyaning Portsmouth universiteti professorlari bilan uchrashuv boʻlib oʻtdi. Mazkur uchrashuvda xalqaro hamkorlik doirasida amalga oshirilayotgan loyihalar muhokama qilindi.

Tadbirda OʻzDJTU rektori Ilxomjon Tuxtasinov, xalqaro hamkorlik boʻyicha mutasaddilar hamda 3-Ingliz tili fakulteti professor-oʻqituvchilari ishtirok etdi. Portsmouth universiteti professorlari Peter Watkins va Gulsa Kutuk Ag bilan uchrashuv davomida quyidagi masalalar muhokama qilindi:

✅Ingliz tilini oʻqitishni takomillashtirish boʻyicha hamkorlikdagi loyihalar, yangi oʻquv reja va dasturlar ishlab chiqish hamda sinovdan oʻtkazish;
✅Ingliz tili oʻqituvchilari uchun seminar-treninglar tashkil etish;
✅Hamkorlikni yanada rivojlantirishga oid boshqa masalalar.

Uchrashuv samarali oʻtib, tomonlar kelgusida hamkorlikni yanada mustahkamlash borasida kelishuvga erishdilar.

🌐 Biz ijtimoiy tarmoqlarda:
Telegram | Instagram | Facebook | Sayt

0️⃣0️⃣0️⃣

OʻzDJTU rektori Hindistonga joʻnab ketayotgan talabalar bilan uchrashdi

5-mart kuni Oʻzbekiston davlat jahon tillari universiteti rektori Ilxomjon Tuxtasinov Hindistonning Banastali universitetiga madaniy almashinuv dasturi doirasida joʻnab ketayotgan Tarjimonlik fakulteti oʻqituvchisi va talabalari bilan uchrashdi.

Uchrashuv davomida rektor xalqaro hamkorlik loyihalarining ahamiyati, talabalar uchun yaratilayotgan imkoniyatlar va safar davomida universitet shaʼnini munosib himoya qilish muhimligi haqida taʼkidladi. Ishtirokchilarga safar davomida intizom, faol ishtirok va madaniy almashinuvdan maksimal foyda olish boʻyicha tavsiyalar berildi.

Mazkur safarda Tarjimonlik fakulteti katta oʻqituvchisi Ruziboyeva Nazira Qarshiboyevna boshchiligida bir guruh iqtidorli talabalar ishtirok etadi.

Ma’lumot uchun: Safar 7-martdan 22-martgaga qadar davom etishi rejalashtirilgan.

🌐 Biz ijtimoiy tarmoqlarda:
Telegram | Instagram | Facebook | Sayt