Nima uchun target byudjetingizni 2Xga oshirganingizda, narxlar qimmatlashib, natija tushib ketadi?

(Buning asl sababi va to'g'rilash yechimi shu postda)

“Time lag” — degan tushuncha bor.

Bu reklamaga har bir sarflagan $1 pulingiz va uning sotuvga aylanish orasidagi vaqti.

Judayam ko’pchilik, shu metrikani hisobga olmaydi.

Faqat ROASga e’tibor qaratadi.

Targetni ishga tushirganizda, auditoriya sotib olishdan oldin quyidagi 3 bosqichdan o’tadi:

1️⃣ Taniqlilik bosqichi (1-3 kun)

Odamlar sizning borligingizni endi bildi. Sizni hali umuman tanimaydi.

2️⃣ Oxvat bosqichi (4-7 kun)

Sizni endi taniganlar, sizga obuna bo’lib, kontentlarizni ko’rishni boshladi. Like, comment bosyapti.

3️⃣ Lid bo’lib tushish va sotib olishga tayyor bo’lish bosqichi (8-10+ kun kamida)

Xo’sh, nima uchun byudjet oshganda natija tushadi?

Byudjetni to’satdan 2X ga oshirsangiz, birinchi bosqichdagi odamlar ko’payib ketadi.

Lekin, oxirgi bosqichdagilar o’zgarishsiz qoladi.

Sababi, hali yetarlicha kun o’tmadi va voronka pastiga yetib kelmadi.

Xo’sh, jiddiyroq o’zgarishdan keyin, byudjet oshgandan keyin natija o’ziga kelishi uchun qancha vaqt kerak?

7-14 kun.

Xulosa: byudjetni 2x ga oshirgan zahotiz, natijani 2x ga o’sishini kutmang.

Sovuq auditoriya ilishi uchun vaqt kerak.