Dunyo shu paytgacha bir necha mingdan ortiq urushlar guvohi bo'lgan. Ayniqsa 20 - asrdagi 2 ta jahon urushi misli ko'rilmagan talofatlar yetkazdi. Undan so'ng qurollanish poygasi, ya'ni sovuq urush. Mayda urushlar ham to'xtamayapti. Lekin biz hozir aqlimizga sig'dirishimiz qiyin bo'lgan urush yoqasida turgandekmiz. Bu sun'iy intellekt urushi. Ha bu juda g'alati eshitilishi mumkin. Lekin hozirda sun'iy intellektlar jadal rivojlanmoqda va deyarli odam darajasida fikrlay olish darajasiga yetay deb qoldi. Tasavvur qiling bir davlatni siyosiy yoki iqtisodiy tomonlama parokanda qilish uchun sun'iy intellektdan qanchadan-qancha maslahatlar olish mumkin!? Bu aqlbovar qilmas narsa emas. Yaqin kelajak. Bizga AI (sun'iy intellekt)ning faqat yaxshi tomonlarini ko'rsatishmoqda. Ilm-fan, texnika, tibbiyot, mudofaa va ko'plab sohalarda AI yaxshi yutuqlarga erishmoqda. Lekin tanganing ikkinchi tarafichi? AI ni biror davlat yoki tashkilot yovuz maqsadlarda ishlatmasligiga kim kafolat bera oladi? Yaqinda eshitdim AI ning yangi modeli bir olim 1 yildan buyon yecha olmayotgan masalasini 1 soat ichida hal qilib beribdi. Demak yovuz maqsadlilar ham bundan foydalanib qolish ehtimoli yo'q degani emas. Xulosa qilib aytganda yangi davr yoqasida turibmiz do'stlar...