“Smart Integrity ME” MChJ ma’sul rahbar xodimlari hamda “Issiqlik elektr stansiyalari” AJ Birlashgan kasaba uyushmasi qo‘mitasi raisi tomonidan xodimlar bilan ochiq muloqot maydonini kengaytirish maqsadida–“Taxiatosh IES” AJ da “Sayyor qabul” bo‘lib o‘tdi.

Bo‘lib o‘tgan sayyor qabul vaqtida, xodimlarning aksariyati turli yo‘nalishlardagi kreditlar, mehnat munosabatlari, ishga joylashish bo‘yicha savollar berishdi va ushbu murojaatlarga atroflicha javoblar berilib, huquqiy va kerakli tavsiyalar berildi.
Murojaatlarda, shu bilan bir qatorda, korxonada xodimlarga yaratilgan mehnat sharoitlari borasida ijobiy fikrlar bildirildi. Xususan, ishchi-xodimlarning mehnat huquqlari ta’minlanishi, xodimlarni tibbiy ko‘rikdan o‘tkazish va ijtimoiy qo‘llab-quvvatlash hamda ularning madaniy xordiq chiqarishlari uchun qulay sharoitlar yaratilganligi shular jumlasidandir.
Ko‘tarilgan har bir masala bo‘yicha ma’sul mutaxassislar shu joyning o‘zida fikr-mulohazalar bildirdilar.
Shuningdek ishchi guruhi a’zolari mehnat huquqi ta’minlanishi, mehnatga haq to‘lash tizimini o‘rgandilar, xodimlarni ijtimoiy himoya qilish, ularga qulay mehnat sharoitlarini yaratish borasidagi ishlar, ishlab chiqarish jarayonlaridagi xodimlar uchun yaratilgan qulayliklar bilan ham yaqindan tanishdilar.