Qur’onni o‘qish – qalbni tozalash, yod olish esa uni Allohning kalomi bilan bezashdir. Har bir o‘qilgan harf uchun savob yozilar ekan, tasavvur qiling, uni yod olgan qalb qanday baraka topadi. Qur’on – hayotingizning eng go‘zal yo‘lboshchisi, har bir oyati esa nurga eltuvchi eshik. Uni yod olish o‘zingizga qilgan eng katta yaxshilikdir. Allohning kalomini yodlaganlar dunyoda ham, oxiratda ham eng yuksak maqomdadir. Harakat qiling, har kuni bir oyat o‘rganing, vaqt o‘tib katta xazina egasi bo‘lasiz. Qalbni Qur’on bilan do‘st qiling, shunda u sizga osoyishtalik olib keladi. Qur’onni yodlagan kishi uchun dunyoviy tashvishlar mayda bo‘lib qoladi. Alloh kalomini yodlash – bandaning qalbini Uning huzuriga yaqinlashtiruvchi eng ulug‘ yo‘ldir. Fursatni boy bermang, har bir daqiqa Qur’on bilan ulug‘likka qadamdir!
©Tasnimiy