Tarixologiya|Ilyosxo'ja Bekmirzayev

Qovun tushirishga sal qoldi

O'tgan kuni qiziq voqea bo'ldi.
Darsdan tashqari to'garak o'tamiz, xabaringiz bor. 5-01-sinfda "Zamonaviy yondashuv" degan to'garak joriy qilganman. Oxirgi darsda "Jamoat transport vositalari" degan mavzu o'tdik. Dars oxirida uy vazifa qilib tumanimizda jamoat tranporti holati haqida tuman hokimidan intervyu olishni topshiriq qilib berdim. Intervyudan oldin, 2 o'quvchi hokimyatga borib, hokim qachon qabul qila olishini, vaqti va joyini bilib kelasizlar, keyin savollarga tayyorlanib belgilangan kuni borasizlar deb tayinladim.
Ertasi kuni bir o'quvchi qizimiz uydan dadasini telefonini olib kelibdi. Unda hokim nomeri bor ekan. O'zboshimchalik bilan 1-soat darslar boshlanguncha hokimga qo'ng'iroq qilishibdi. 9 marta qo'ng'iroq qilibdi, hokim javob bermabdi. O'ninchi marta ham qilganda hokim go'shakni ko'targan. Qizlar siz bilan gaplashmoqchimiz, ustoz vazifa bergan, transport haqida so'raymiz, kabi gaplarni aytib 1-2 minut vaqtini olgan. va gaplashayotganda shovqin suron bo'lib ketgan. Hokim qiz ismini, maktabini so'rab, telefon o'chirgan. So'ng maktab direktoriga bog'lanib, nega meni nomerimni berding. hammaga tarqatyapsanmi, qanaqa intervyu, degan gaplarni aytgan. Ya'ni hokim biroz jahli chiqqan. Direktor esa meni chaqirib tosa tuzlagan. Shu bo'ldi, shu bo'ldi bergan vazifamga afsuslanishni boshladim.
Oradan 2 kun o'tib direktor qo'ng'iroq qildi: 7-soatdan keyin sinfingizni yig'ib turing, hokim gaplashgani kelarkan, dedi. Hayron bo'ldim.
Hokim yarim soatdan keyin keldi. O'sha kuni men noto'g'ri tushunibman, bolalar dars yuzasidan gaplashmoqchi bo'lgan ekan deb qoldi Va sinfimizga kirdi. Meni va rahbariiyatni xonadan chiqarib yuborib, yolg'iz o'zi o'quvchilar bilan suhbatlashdi.
Suhbat yakunlanib hokim buva ketdilar. O'quvchilar esa xursand, vazifani bajardik, hokimdan intervyu oldik, shaxsan o'zi biz bilan gaplashdi deb.
Amaldorlar o'zgarayotgani rost bo'sin.

@Tarixologiya

O'quvchini jazolash mumkinmi?⚡️

Dunyoning boshqa mamlakatlarida qoida buzgan o'quvchilarga qanday munosabatda bo'linadi?

Sinfim bilan tayyorlangan kontentni youtubega chiqarishni boshladik. Dastlabki jiddiy mahsulotimiz. Maqsad bolalarni nutqini o'stirish, uyatchanlikni yo'qotish. 1-videoda kamchiliklar yaqqol bilinib turibdi. Ana shular ustida ishlaymiz


Batafsil videoda 👉 https://www.youtube.com/watch?v=q9Tcuk3Ns7U

​​#MenÕqiganKitob

Ushbu oyda yil hisobidan 12-kitobimni yakunladim. Va aytishim mumkinki, ularning eng ichida eng yaxshilaridan biri bo'ldi - Fyodor Dostoyevskiyning "Jinoyat va Jazo" romani. Jahon adabiyotining eng shedevr asarlaridan biri.

Badiiy roman. XIX asr Rossiya hayoti. Bosh qahramon Rodya Raskolnikov bolta bilan sudxo'r kampirni o'ldirishidan so'ng yuz beradigan voqealar rivoji.
Asarda inson ruhiyati chuqur tahlil qilinadi. Detallargacha yondashadi yozuvchi. Jamiyatdagi ijtimoiy adolat, axloqiy ma'suliyat haqida falsafiy fikrlar bayon qilinadi. Raskolnikovnig jinoyat sodir etishi ortidan paydo bo'ladigan ichki konfliktlar va jazoni kutish bilan bog'liq azoblari roman markazida turadi.
Men uchun asarning kulminatsiyasi bosh personaj Raskolnikovning "buyuk shaxslar" nazariyasi haqida fikrlari bo'ldi. U quyidagicha: “Men faqat kuchli odamlarning huquqi bor deb hisoblayman. Kuchli odamlar o‘z qonunlarini yaratadilar, ular axloqiy normalarni buzish huquqiga ega, chunki ular jamiyatga xizmat qilishadi. Kim nima deydi, buyuk shaxslar faqat qonun buzganlar, lekin aynan ular dunyoni oldinga siljitganlar.”

Bosh qahrmaon odamlanri ikki toifaga bo'ladi:
1. “Oddiy” odamlar: Bu toifadagi odamlar ko‘pchilikni tashkil etadi va ular faqat mavjud qonun-qoidalarga bo‘ysunishi kerak deb hisoblanadi. Ya'ni ular ijtimoiy normalarni buzmasdan yashaydi. Raskolnikovning fikricha, bu odamlar tarixni o'zgartirishga, katta ishlarni amalga oshirishga qodir emas.

2. “Noyob” yoki “buyuk” odamlar: Raskolnikov bu toifadagi odamlarni istisno shaxslar deb hisoblaydi. Ularning huquqi bor, chunki ular ijtimoiy qoidalardan yuqoriroq turadi va jamiyatning rivojlanishi uchun muhim o‘zgarishlar qilishga qodir. Raskolnikovning nazariyasiga ko‘ra, bu buyuk odamlar o‘z maqsadlariga erishish yo‘lida qonunlarni buzish huquqiga ega. Tarixdagi buyuk shaxslar, masalan, Napoleon yoki boshqa davlat rahbarlari, insoniyat uchun muhim ishlar qilish uchun bunday huquqqa ega bo‘lgan deb o'ylaydi.

✅Tavsiya: Asarni o'qib chiqishni tavsiya qilaman! Kerakli ko'nikma va xulosalar ola bilasiz.

Navbatdagi kitobga nonfiction kitob tanlangan: Alixonto'ra Sog'uniy "Turkiston qayg'usi" asari. Nasib qilsa, uni ham tugatsam taqriz yozaman.

Kanal manzili: @Tarixologiya

Shaxsiy reyting: 8,5/10

​​Chig'atoy ulusining barcha hukmdorlari (1224-1366-yillar)

8-sinf O'zbekiston tarixi (2023) 5-6-mavzularni yaxshiroq tushunishga yordam beradi

1. Chigʻatoyxon - 1224–1242
2. Qora huloku - 1242–1247, 1252
3. Yasu Munke - 1247–1251
4. Eragana xotun - 1252–1260
5. Olgʻuxon - 1260–1264
6. Muborakshoh - 1264-yil aprel-sentabr
7. Baroqxon - 1264–1271
8. Nigubey oʻgʻul - 1270–1271
9. Buqa Temurxon - 1271–1274
10. Qayduxon - 1274–1282
11. Duvaxon - 1282–1307
12. Kunchjoʻkxon - 1307–1308
13. Taliqu Xizr - 1308–1309
14. Kebekxon - 1309
15. Esan Buqaxon - 1309–1318
16. Kebekxon - 1318–1325
17. Elchigadayxon - 1326
18. Duva Temurxon - 1326
19. Alouddin Tarmashirinxon - 1326–1334
20. Buzanxon - 1334
21. Jenkshixon - 1334–1338
22. Yasun Temurxon - 1338–1339
23. Ali Sultonxon - 1339–1345
24. Muhammad Poʻlodxon - 1345
25. Qozonxon - 1343–1346
26. Tugʻluq Temurxon - 1347—1359/1359—1362
27. Ilyosxoʻjaxon - 1362—1366

Manba: @Tarixologiya