Talim yangiliklari (rasmiy)

Prezident topshirig‘i: Maktablardagi yoshlar yetakchilarining stavkalari kamaytirilmaydi

Xalq ta'limi vaziri Sherzod Shermatov o‘zining rasmiy sahifalarida maktablardagi Yoshlar yetakchilariga oid yangilikni e'lon qildi. Unda Maktablardagi yoshlar yetakchilarining stavkalari kamaytirilmasligi aytiladi.

“Xushxabar: Prezidentimiz maktablardagi yoshlar yetakchilari stavkasini kamaytirmaslik bo‘yicha topshiriq berdilar!

Maktablardagi ko‘pchilik yoshlar yetakchilarimizdan joylarda 0,25 stavkasi qisqarishi mumkin ekan, degan xavotirli murojaatlar tushayotgan edi.

Prezidentimiz tomonidan o‘tgan haftada ma'naviy-ma'rifiy ishlar tizimini tubdan takomillashtirish yuzasidan o‘tkazilgan yig‘ilishda yangi kiritilayotgan ijodiy-madaniy masalalar bo‘yicha targ‘ibotchi lavozimlariga Yoshlar yetakchilaridan 0,25 stavka qisqartirish hisobiga emas, balki qo‘shimcha mablag‘ ajratish bo‘yicha aniq topshiriq bo‘ldi.

Shuning uchun xavotirga o‘rin yo‘q! Yoshlar yetakchilari endi e'tiborlarini bunday xavotirlarga emas, balki joylarda o‘z faoliyati samaradorligini oshirishga qaratishlari zarur!

Xabaringiz bor, kuni kecha davlatimiz rahbarining Buxoro viloyatiga tashriflari davomida IT-parkda yoshlar bilan uchrashuv bo‘lib o‘tdi. Prezidentimiz Peshku tumanida internet orqali yaxshi daromad olayotgan Shahrillo faoliyati bilan tanishib, juda xursand bo‘ldilar. Esingizda bo‘lsa, u pandemiya davrida boshqa yoshlarimiz uchun onlayn darslar tayyorlashda ham ishtirok etgan edi.

Shu o‘rinda, yoshlar yetakchilari har bir maktabning yuqori sinf o‘quvchilari hamda bitiruvchilari orasidan internet orqali o‘z mehnati bilan oilasiga daromad keltirayotgan Shahrillo kabi yoshlar faoliyatini ko‘proq targ‘ib qilib borsa, bu ularning tengdoshlari uchun ham havas, ham o‘rnak bo‘lar edi”, – deyiladi xabarda.

📑 Taʻlim yangiliklari kanaliga obuna boʻling

🔍 https://t.me/joinchat/AAAAAFLgN_Ge4KUB-YzQ6g

⚡️ЭНДИ МАКТАБЛАРДА ЯГОНА СИНФ РАҲБАРИНИ ТАЙИНЛАШ АМАЛИЁТИ ЙЎЛГА ҚЎЙИЛАДИ

Мактабларда 5-синфдан бошлаб ягона синф раҳбарини тайинлаш амалиёти йўлга қўйилади.

Бу ҳақда бугун Президент раҳбарлигида маънавий-маърифий ишлар таъсирчанлигини янада ошириш борасида ўтказилган йиғилишда айтиб ўтилди.

Давлат раҳбари томонидан ўтказилган йиғилишда мактаблардаги синф раҳбарлари фаолиятига алоҳида тўхталиб ўтилди.

"Мактабларда 5-синфдан бошлаб ягона синф раҳбарини тайинлаш амалиётини йўлга қўйишимиз керак. Бу ўқитувчи 11-синфга қадар болаларнинг маънавий тарбиячисига, ота-онасидек қадрдонига айланиши зарур.

Бугун ёшларимизни ким тарбиялаяпти, телефон тарбиялаяпти. Ундаги ахборот чегарани ҳам билмайди, эшигимизни ҳам тақиллатиб келмайди. Мана шу масалага жиддий эътибор қаратишимиз шарт" - деб таъкидлаган давлат раҳбари.

P.S: Бу жуда ҳам яхши амалиёт деб ўйлайман. Негаки кўп мактабларда синф раҳбарлари жуда кўп алмашиб туради. Бу эса ўқувчилар тарбиясига таъсир қилиши табиий.

«Таълим янгиликлари» канали 👉 https://t.me/joinchat/AAAAAFLgN_Ge4KUB-YzQ6g

​Мактабдаги энг катта увол - бўлажак иқтидорларни йўқотиш

Сингапурдаги умумтаълим мактабларида таълим олаётган бошланғич синф ўқувчиларнинг бир фоизи ҳар йили «махсус конвертдаги мактуб»ни бирор кун уйига элтиб боради. Конверт ичидаги мактуб уни тутиб турган ўқувчига ҳукумат томонидан ташкил этилган «Иқтидорли ўқувчилар учун Таълим дастури»да ўқишни давом эттириш ҳуқуқини беради.

Бундай «таклиф»ни фақат инглиз тили, математика фанларидан тузилган тестни аъло даражада ечган ва интеллектуал коэффициенти тенгдошларига нисбатан юқори бўлган болалар қабул қилади. Агар ўқувчининг ота-онаси (ёки уларнинг боқувчи шахс) ушбу таклифни қабул қилса, боланинг ўқиши бошқа мактабга кўчирилади, у махсус дастур бўйича таълим олишни бошлайди.

Миллат учун янги иқтидорларни излаб топишда Сингапур тарихий ва анъанавий услубдан фойдаланади: мураккаб имтиҳон орқали бир марта ўтказилган синовдан яхши натижани қўлга киритиш керак.

Жаҳон тажрибасида эса «иқтидор»ларни қидиришда бошқача услублар кенг қўлланилмоқда. Масалан, таълимда кам таъминланган оила фарзандларини рағбатлантириш орқали кучли мотивация ҳосил қилиш ёки аллақачон муваффақиятга эришган инсонларнинг психологик портретини ўрганиб, унинг инъикосини ёшлардан излаш шулар жумласидандир.

Янги тадқиқотлардан аён бўладики, илмий салоҳият келгуси муваффақиятларни башорат қилишда энг яхши кўрсаткич ҳисобланади. Бироқ ақлий қобилиятнинг ўзи барча муваффақиятга эришиш учун етарли эмас.

Эдинбург Университети тадқиқотчиси Стюарт Риччининг айтишича, китобни ўқиб, маълумотларни ёд олишдан кўра, сабабларни таҳлиллаш, муаммони ҳал этиш, фаразларни тасаввур қилиш ва шу каби абстракт қобилиятлар интеллектуал коэффициентни белгилашда муҳим роль ўйнайди.

Дунё бўйича иқтидорли ўқувчиларни тарбиялашда пайдо бўлган муаммо шундаки, бошланғич синфларда барча тенгдошларидан ажралиб турган 5 фоиз ўқувчилар гуруҳининг 95 фоизи узоқ келажакда йирик «ғалаба»га эриша олмаяпти. Бунга боланинг таълимдаги молиявий харажатлари ва жисмоний ўсиб улғайиши учун етарли шароит тайёрланмагани важ қилиб кўрсатилади.

Ўзбекистондаги умумтаълим мактаб тизимида юз бераётган ҳодисалар нафақат тизимнинг ислоҳ қилинмаётгани, балки ота оналарнинг эътиборсизлиги туфайли салбий натижани кўрсатмоқда. Масалан, бошланғич синфда аъло баҳога ўқиган ўқувчиларнинг жуда кам сонли қисми якунда ўша натижани сақлаб қолган бўлади.

Қарс икки қўлдан чиқади, аммо ота oналар 5 синфдан сўнг, фарзандининг таълимига кам эътибор қаратади. Ота она ва ўқувчиларни рағбатлантириш, шунингдек, таълим тизимини ислоҳ қилиш мақсадида мактабда пуллик синфларни ташкил этиш мақсадга мувофиқ бўлади. Аъло баҳога ўқиб, яхши натижага эришаётган ўқувчилар сараланиб, Сингапур моделига мурожаат қилиш имконияти пайдо бўлади. Ўқишда яхши натижаларга эришмаган ўқувчи таълим учун пул тўлашга мажбур бўлади. Ва ниҳоят, педагог ходимларнинг ҳам меҳнатига яраша маош тўлашга имконият топилади.

Фақат икки масала очиқ қолади: кам таъминланган оила фарзандлари ва яна коррупция... Шунга қарамасдан, Ўзбекистонда иқтидорли ёшлар билан алоҳида ишлаш учун механизмни тезроқ амалиётга олиб кириш керак. Ақли расо ёшлар мактабни битирмасдан, қобилиятини йўқотиши - биз кўз юмиб келаётган энг катта увол

«Таълим янгиликлари» канали 👉 https://t.me/joinchat/AAAAAFLgN_Ge4KUB-YzQ6g

Qaysi hollarda bola 6 yoshdan maktabga qabul qilinishi mumkin?


Bataffsil - https://telegra.ph/Qaysi-hollarda-bola-6-yoshdan-maktabga-qabul-qilinishi-mumkin-07-18

Kanalimiz :
https://t.me/joinchat/AAAAAFLgN_Ge4KUB-YzQ6g

Bakalavriatning 6 ta ta’lim yo‘nalishida o‘qish muddati 4 yildan 3 yilga kamaytirildi

2020/2021 o‘quv yilidan boshlab 6 ta ta’lim yo‘nalishida o‘qish muddati 4 yildan 3 yilga qisqartirildi, bular:

➡️ Musiqiy ta’lim
➡️ Jismoniy madaniyat
➡️ Texnologik ta’lim
➡️ Chaqiriqqacha harbiy ta’lim
➡️ Tasviriy san’at va muhandislik grafikasi
➡️ Maktabgacha ta’limda jismoniy tarbiya va sport

Kanalga ulanish:👇👇👇
https://t.me/joinchat/AAAAAFLgN_Ge4KUB-YzQ6g

#Қабул2020

Коллеж ва техникумларга саралаш имтиҳонларини ўтказиш муддатлари белгиланди

✅ Ўзбекистон Республикаси таълим муассасаларига ўқишга қабул қилиш бўйича Давлат комиссияси мажлисининг 7-сон баёни қарорига мувофиқ:

👉 2020 йил 20 ноябрдан 30 ноябрга (30 ноябрь куни ҳам) қадар коллеж ва техникумларга саралаш имтиҳонлари ўтказилади;

👉 2020/2021 ўқув йили учун саралаш имтиҳонлари коллеж ва техникумларнинг 178 тасида тест синовлари, 176 тасида эса ёзма имтиҳон шаклида ўтказилади.

👉 Спорт соҳасидаги коллеж ва техникумларда касбий (ижодий) имтиҳонлар ўтказилади.

Kanalga ulanish👇👇👇
https://t.me/joinchat/AAAAAFLgN_Ge4KUB-YzQ6g

2021 йилдан мактабларнинг рейтинги тузилади

2021 йил 1 январдан бошлаб ҳар йили туманлар (шаҳарлар) ҳамда Қорақалпоғистон Республикаси, вилоятлар ва Тошкент шаҳри кесимида умумтаълим муассасаларининг рейтинги тузилади.

“Ўзбекистоннинг янги тараққиёт даврида таълим-тарбия ва илм-фан соҳаларини ривожлантириш чора-тадбирлари тўғрисида”ги Президент Фармонига кўра, рейтинг таълим сифатини назорат қилиш давлат инспекцияси ҳамда Халқ таълими вазирлиги томонидан тузилади.

✅Рейтингда биринчи ўринни эгаллаган умумтаълим муассасалари директорлари маҳаллий бюджет маблағлари ҳисобидан меҳнатга ҳақ тўлаш энг кам миқдорининг 10 баравари миқдорида бир марталик рағбатлантирилади;

✅халқ таълими бўлими мудирлари ва методистларига, умумтаълим муассасалари директорларига ҳамда туман (шаҳар) кесимида тузилган рейтингда биринчи бешта ўринларни эгаллаган умумтаълим муассасаларининг 2 нафар ўқитувчиларига Ўзбекистон Касаба уюшмалари Федерацияси ҳисобидан санаторийларда дам олиш учун бепул йўлланмалар берилади.

Kanalga ulanish👇👇👇
https://t.me/joinchat/AAAAAFLgN_Ge4KUB-YzQ6g

​​#Oliy_talim

4 TA OTMda tibbiyot fakulteti ochiladi

✅ Prezident farmoniga ko‘ra, 2021/2022 o‘quv yilidan boshlab mavjud ehtiyojdan kelib chiqib:

👉 Qarshi davlat universiteti;
👉 Jizzax davlat pedagogika instituti;
👉 Navoiy davlat pedagogika instituti;
👉 Guliston davlat universitetida tibbiyot fakultetlari tashkil qilinadi.

Bu haqida Sog‘liqni saqlash vazirligi Jamoatchilik bilan aloqalar bo‘limi xabar bermoqda.

Shuningdek, ularda va boshqa tibbiy oliy ta’lim muassasalarida yetakchi xorijiy tibbiyot oliy ta’lim tashkilotlari bilan qo‘shma dasturlari asosida o‘qitish tizimi joriy qilinishi belgilangan.

Kanalga ulanish👇👇👇
https://t.me/joinchat/AAAAAFLgN_Ge4KUB-YzQ6g

#Rasman

Тиббиёт йўналишида ўқишини Ўзбекистонга кўчиришга ариза топширган талабаларга хушхабар: 56.7 баллдан юқори тўплаганларга ҳам рухсат берилди

ЎзР таълим муассасаларига ўқишга қабул қилиш бўйича Давлат комиссияси мажлисининг 7-сон баёни қарорига мувофиқ:

Хорижий ОТМлардан Соғлиқни сақлаш вазирлиги тизимидаги ОТМларга ўқишини кўчириш учун рўйхатдан ўтган ва тест синовлари натижаларига кўра 56,7 балл ва ундан юқори балл, аммо, вазирлик томонидан белгиланган ўтиш бали (100 балл)дан кам балл тўплаган фуқароларнинг ўқишини аризаларига мувофиқ ҚҚР ва вилоятларда жойлашган тиббиёт ОТМларининг мос ёки турдош бакалавриат таълим йўналишларига кўчиришга рухсат берилди.

❗️Соғлиқни сақлаш вазирлиги беш кун муддатда ушбу тоифадаги талабгорлардан аризаларни қабул қилиб ҳудудлардаги тиббиёт олий таълим муассасаларига қайта тақсимлайди.

Яъни, хорижий ОТМдан “перевод” учун тест топширган талаба 56,7 дан 100,0 баллгача тўплаган бўлса, вилоятдаги тиббиёт ОТМларидан бирига кўчиришга рухсат берилади.

‼️ Бунинг учун, БЕШ КУН МУДДАТДА АРИЗА БИЛАН Соғлиқни сақлаш вазирлигига мурожаат қилиш керак.

Kanalga ulanish👇👇👇
https://t.me/joinchat/AAAAAFLgN_Ge4KUB-YzQ6g