"O‘QITUVCHILIKNI TASHLAB, BOSHQA DAROMADI YAXSHIROQ ISH QILGIM KELYAPTI..."
Oylik olasan-da, boshing og‘rib o‘ylaysan, bu pulni nimaga yetkazsam ekan deb. Kommunallar, kredit, oylik to‘lanishi zarur bo‘lgan to‘lovlardan ortgan pulni qanday taqsimlash haqida bosh qotirasan.
Bolang o‘sib borayapti, ust-boshi kichrayib qoladi darrov yoki yirtiladi, eskiradi, nimadir yegisi keladi, hiqillab turadi, aylangisi keladi, undan tashqari har kuni kundalik xarajatlari uchun pul berib turish kerak. Istaganlarini muhayyo qilishga imkoning yetmaydi.
Onangni yo‘qlaging keladi, nimadir oberging, yegisi kelganini og‘ziga tutging keladi, lekin cho‘ntagingdagi hisob-kitobli arzimagan pulingga qarab yuraging eziladi.
Bolang og‘riydi, o‘zingni kasallik qiynaydi yillab, lekin doktorga borishga o‘ylanasan, imkoning yetmaydi, bolalarimni oldida vijdonim qiynaladi.
Ayollarga xos odatlarni ham unutayapman, chiroyli kiyinish, zeb-ziynatlar haqida-ku orzu ham qilmay qo‘yganman, faqat borku, shu borini kiyib turay deydigan bo‘lganman.
Bolalarimga ham tinmay sabr qil, sabrli bo‘l deyishdan nariga o‘tolmayman.
Davolanish tufayli yanayam xarajatlarni qisqartirdim, qarz bo‘lishga ham ulgurdim.
Ba’zida bolam isyon qilib qoladi, qachon bizni uyimiz bitadi, qachon mehmon chaqiramiz biz ham, o‘rtoqlarim undoq, bundoq deb.
U kuni bankda ishlaydigan bir tanishim 14 mln oylik olaman, mukofot pullaridan tashqari dedi.
Men oliy toifali o‘qituvchi bo‘lib, bu oylik uchun 4 oy ishlayman.
Siz bir kun 6-7 yoshli go‘dakka dars o‘tib ko‘rganmisiz?
Bir bolaga o‘rgatish, ta’lim-tarbiya berish qanchalar mashaqqatli ekanligini bilasizmi? Biz esa nechtalab bolalarga mehrimizni, jonimizni, bor bilimimizni beramiz, asabimiz, sog‘ligimizni sarflaymiz.
Lekin oqibatda «Sizlar oylikni oshirish haqida emas, ta’lim sifatini oshirish haqida o‘ylanglar» degan gap eshitamiz.
Boshqa soha xodimlaridan qayerimiz kam? Mehnatimiz shunaqa arzimas baholanadimi? Qanday qilib shuncha yetishmovchiliklar ichida yashayotgan odamdan natija kutasiz?...
Gapirsang gap ko‘p, yurak og‘riydi faqat. Yuqori oylik oladigan o‘qituvchilar foizi umumiy o‘qituvchilarning qanchasini tashkil etadi? Nega hammaning oyligi birdan oshirilmaydi?
Bilmadim, odamni ishlagisi ham kelmaydi. Ketay desang shuncha mehnat uvol bo‘ladimi, deb achinasan, ketmay desang har kuni qayerdan pul topsam deb boshing og‘riydi»
Zamonaviy latifa esga tushadi. Kelin o‘qituvchi eriga tana qiladi: «Siz meni aldab uylangansiz. Oyligim 1000$ bo‘ladi degandingiz». O‘qituvchi er: «Aldangan faqat sen emas, bizni ham aldashgan».
Ishqilib vaziri chiqib, «Sen yaxshilab dars o‘t, keyin qo‘shimcha dars ber, ota-ona ko‘nglidan chiqarib, barakasini tashlab ketadi», demasa bo‘ldi.
Dilroz Abrayeva
✅ @Talimgaoid
Oylik olasan-da, boshing og‘rib o‘ylaysan, bu pulni nimaga yetkazsam ekan deb. Kommunallar, kredit, oylik to‘lanishi zarur bo‘lgan to‘lovlardan ortgan pulni qanday taqsimlash haqida bosh qotirasan.
Bolang o‘sib borayapti, ust-boshi kichrayib qoladi darrov yoki yirtiladi, eskiradi, nimadir yegisi keladi, hiqillab turadi, aylangisi keladi, undan tashqari har kuni kundalik xarajatlari uchun pul berib turish kerak. Istaganlarini muhayyo qilishga imkoning yetmaydi.
Onangni yo‘qlaging keladi, nimadir oberging, yegisi kelganini og‘ziga tutging keladi, lekin cho‘ntagingdagi hisob-kitobli arzimagan pulingga qarab yuraging eziladi.
Bolang og‘riydi, o‘zingni kasallik qiynaydi yillab, lekin doktorga borishga o‘ylanasan, imkoning yetmaydi, bolalarimni oldida vijdonim qiynaladi.
Ayollarga xos odatlarni ham unutayapman, chiroyli kiyinish, zeb-ziynatlar haqida-ku orzu ham qilmay qo‘yganman, faqat borku, shu borini kiyib turay deydigan bo‘lganman.
Bolalarimga ham tinmay sabr qil, sabrli bo‘l deyishdan nariga o‘tolmayman.
Davolanish tufayli yanayam xarajatlarni qisqartirdim, qarz bo‘lishga ham ulgurdim.
Ba’zida bolam isyon qilib qoladi, qachon bizni uyimiz bitadi, qachon mehmon chaqiramiz biz ham, o‘rtoqlarim undoq, bundoq deb.
U kuni bankda ishlaydigan bir tanishim 14 mln oylik olaman, mukofot pullaridan tashqari dedi.
Men oliy toifali o‘qituvchi bo‘lib, bu oylik uchun 4 oy ishlayman.
Siz bir kun 6-7 yoshli go‘dakka dars o‘tib ko‘rganmisiz?
Bir bolaga o‘rgatish, ta’lim-tarbiya berish qanchalar mashaqqatli ekanligini bilasizmi? Biz esa nechtalab bolalarga mehrimizni, jonimizni, bor bilimimizni beramiz, asabimiz, sog‘ligimizni sarflaymiz.
Lekin oqibatda «Sizlar oylikni oshirish haqida emas, ta’lim sifatini oshirish haqida o‘ylanglar» degan gap eshitamiz.
Boshqa soha xodimlaridan qayerimiz kam? Mehnatimiz shunaqa arzimas baholanadimi? Qanday qilib shuncha yetishmovchiliklar ichida yashayotgan odamdan natija kutasiz?...
Gapirsang gap ko‘p, yurak og‘riydi faqat. Yuqori oylik oladigan o‘qituvchilar foizi umumiy o‘qituvchilarning qanchasini tashkil etadi? Nega hammaning oyligi birdan oshirilmaydi?
Bilmadim, odamni ishlagisi ham kelmaydi. Ketay desang shuncha mehnat uvol bo‘ladimi, deb achinasan, ketmay desang har kuni qayerdan pul topsam deb boshing og‘riydi»
Zamonaviy latifa esga tushadi. Kelin o‘qituvchi eriga tana qiladi: «Siz meni aldab uylangansiz. Oyligim 1000$ bo‘ladi degandingiz». O‘qituvchi er: «Aldangan faqat sen emas, bizni ham aldashgan».
Ishqilib vaziri chiqib, «Sen yaxshilab dars o‘t, keyin qo‘shimcha dars ber, ota-ona ko‘nglidan chiqarib, barakasini tashlab ketadi», demasa bo‘ldi.
Dilroz Abrayeva
Ta'lim sohasiga oid yangiliklar:
✅ @Talimgaoid