Ta'lim tahlilchisi / Rasmiy kanal

#Сўраган_эдингиз
#malaka_toifa

❓Oliy taʼlim muassasasida musiqiy yoʻnalishda dars beraman, ilmiy unvon (PhD)ga egaman. Maʼlum sabablarga koʻra uyimiz yonidagi bogʻchada musiqa rahbari sifatida ishlamoqchiman. Shunda menga qaysi toifasi boʻyicha oylik toʻlanadi, buning uchun nima qilishim kerak?

✅ Vazirlar Mahkamasining 2021-yil 17-sentabrdagi 572-son qarori bilan tasdiqlangan “Maktabgacha, umumiy oʻrta, oʻrta maxsus, professional va maktabdan tashqari taʼlim tashkilotlari pedagog kadrlarini attestatsiyadan oʻtkazish tartibi toʻgʻrisida”gi Nizomda bu haqida toʻxtalib oʻtilgan. Unga koʻra:

➖ ilgari attestatsiyadan oʻtmagan holda ishga yangi qabul qilingan fan nomzodi, falsafa doktori (Doctor of Philosophy (PhD) yoki fan doktori (Doctor of Science (DSc) ilmiy darajasiga hamda Oliy attestatsiya komissiyasi tomonidan berilgan katta ilmiy xodim, dotsent va professor ilmiy unvoniga ega boʻlgan pedagog kadrlarga oliy malaka toifasi beriladi.

👉 Buning uchun pedagoglar toʻgʻridan-toʻgʻri, attestatsiyadan oʻtkazilmasdan malaka toifasi sertifikatini olish uchun bevosita pedagog.uzedu.uz, my.gov.uz yoki davlat xizmatlari markazlari orqali murojaat qilishi lozim.

❌ Ushbu davlat xizmati koʻrsatilganligi uchun yigʻim undirilmaydi.

❗️ Mazkur murojaat oʻrnatilgan tartibda (20 kun muddatda) koʻrib chiqiladi va ijobiy qaror qabul qilinganda, murojaatchiga QR-kod qoʻyilgan elektron shakldagi sertifikat beriladi.

Bizni kuzating

❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin

#Shu_kunlarda
#Янги_таълим_ташкилотлари

✅ Respublikamiz bo‘ylab shu kunlarda qator maktab va maktabgacha ta'lim tashkilotlarida qurilish-ta'mirlash ishlari o‘z yakuniga yetib, yangi ta'lim muassasalari foydalanishga topshirilmoqda. Xususan:

📍 Xorazm viloyati, Xiva shahrida Bojxona qo‘mitasi tomonidan bunyod etilgan 330 o‘rinli yangi maktab tantanali tarzda foydalanishga topshirildi.

Mazkur 21-maktabning ochilish marosimida Maktabgacha va maktab ta’limi vaziri o‘rinbosari Farhod Boqiyev ham ishtirok etib, ta'limdagi islohotlar haqida so‘z yuritdi hamda o‘zining ezgu tilaklarini bildirdi.

📍 Qoraqalpog'iston Respublikasi, Beruniy tumanidagi 6-maktabning 480 o‘rinli yangi binosini qurib bitkazildi. Ochilish marosimida mas'ullar, keng jamoatchilik vakillari va ota-onalar qatnashishdi.

📍 Namangan viloyati, Uychi tumani "Shaftoli" mahallasida joylashgan 43-davlat maktabgacha ta’lim tashkiloti yangi binosi tantanali tarzda foydalanishga topshirildi.

Mazkur muassasa binosi yaroqsiz holga kelib qolganligi sababli, bog‘cha faoliyati vaqtincha to‘xtatilgan edi. Ayni damda 120 o‘rinli yangi bino qurib, bitkazildi. Unda barcha sharoitlar yaratilgan.

📍Kuni kecha Farg‘ona viloyati, Rishton tumandagi 61-umumiy o‘rta ta’lim maktabining yangi binosida ham ta'lim jarayonlariga start berildi. Mazkur yangi bino 240 o‘rinli bo‘lib, zamonaviy talablar asosida jihozlangan.

📍So‘x tumanidagi 21-umumiy o‘rta ta’lim maktabi zamonaviy tus oldi va imkoniyatlari yanada kengaydi. Tumanning "G‘aznov" MFY hududida joylashgan mazkur maktab uchun 240 o‘rinli yangi zamonaviy o‘quv binosi bunyod etildi.

Bizni kuzating

❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin