Mana shu soqol masalasini deb Prezidentimiz qilgan shuncha mehnatlari qadrsizlanyapti. Xalq, tadbirkorlar fikriga ta'sir qilayapti. Bundan nima naf hayronman.

Hozir o'zi tadbirkorlar xodim topa olmay yuribmiz. Tadbirkorlarning qo'l ostidagi xodimlarni soqoli uchun olib ketishsa, biz qanday rivojlanamiz? Ta'limchi?

Katta ehtimol bilan, mana shu olib ketilgan o’quv markazi xodimi na rivojlanishga qiziqishi qoldi, na ishlashga. Bu katta bir umrlik psixologik zarba-ku! Balki shu yigit tadbirkor bo’lib o’nlab ish o’rinlari yaratar, balki shu yigit kuchli IT mutaxassisi bo’lib O’zbekistonga millionlab dollar olib kirar edi.

Agar biz IT va tadbirkorlik rivojini xohlasak, aynan shunga yordam beradigan ishlar bilan shug’ullanishimiz kerak. Keraksiz narsalar bilan emas.