Termiz shahridagi Olimpiya va Paralimpiya sport turlariga tayyorlash markazida Surxondaryo viloyati hokimi Ulug‘bek Qosimov boshchiligida muhim yig‘ilish bo‘lib o‘tdi. Unda 2028-yil Los-Anjeles shahrida bo‘lib o‘tadigan Olimpiada va Paralimpiada musobaqalariga sportchilarni tayyorlash masalalari muhokama qilindi.
Surxondaryo viloyati sport boshqarmasi axborot xizmati !
https://t.me/surxonsportmatbuot
Yig‘ilish davomida sportchilarni professional tayyorlash, ularning jismoniy va ma’naviy rivojlanishini ta’minlash bo‘yicha aniq vazifalar belgilandi. Shuningdek, har bir tuman va shaharda ixtisoslashtirilgan sport maktablarini tashkil etish bo‘yicha mas’ullarga tegishli topshiriqlar berildi.
Mazkur tashabbus Surxondaryoda sport sohasini yanada rivojlantirish, yosh iste’dodlarni aniqlash hamda xalqaro maydonda munosib ishtirok etish imkoniyatlarini kengaytirishga xizmat qiladi.
Surxondaryo viloyati sport boshqarmasi axborot xizmati !
https://t.me/surxonsportmatbuot