Stiv Jobs

Rangpar libosdagi ayol va yigirilgan ro‘dapo kostyum kiygan erkak Bostonda poyezddan tushib qolishdi va Garvard universiteti rektori qabuliga uchrashuv vaqtini belgilamay, jur’atsizgina kirib keldilar.

Kotiba bu qoloq, qishloqi kishilarning Garvardda nima ishi bor ekan deya ensasini qotirdi.

— Biz rektor bilan ko‘rishmoqchimiz, – dedi boyagi erkak muloyimlik bilan.

— U kun bo‘yi band bo‘ladi, – dedi kotiba achchiqlanib.

— Mayli, biz kutamiz, — javob qildi ayol.

Kotiba ularni to‘rt soatcha yolg‘iz qoldirdi. U er-xotinning toqati toq bo‘lib qaytib ketishlarini istardi. Yo‘q, ular ketishmadi. Kotibaning esa jahli chiqdi. Ahmoqona ish deb bilsa-da, rektorni bezovta qilishga qaror qildi.

— Ehtimol, siz bir necha daqiqa ular bilan ko‘rishsangiz, balki qaytib ketishar, — dedi u rektorga.

Rektor chuqur xo‘rsindi va rozi bo‘lganligining alomati sifatida boshini qimirlatib qo‘ydi. Muhim shaxs bo‘lganligi sababli unda har kim bilan ham uzoq suhbatlashish uchun vaqt topilmas edi. U qabulxonasining ko‘rkini buzayotgan rangpar libos va yigirilgan kostyumdan ijirg‘andi.

Rektor keskin yuzlandi va savlat bilan er-xotin tomon qadam tashlab, ularning yoniga keldi.

— Bizning Garvardda birinchi kursda o‘qiydigan o‘g‘limiz bor edi. U Garvardni sevardi. Bu yerda baxtiyor edi. Lekin, bir yil oldin u tasodifan o‘ldirildi. Men va erim uning xotirasiga kampusning biror yerida yodgorlik barpo etmoqchimiz, — dedi ayol.

— Madam, — dedi rektor qo‘rs ohangda, — Biz Garvardda o‘qib, vafot etgan har bir kishi uchun haykal qo‘ya olmaymiz. Agar shunday qilganimizda, bu yer qabristonga o‘xshab qolgan bo‘lar edi.

— Oh, yo‘q, — dedi ayol va tezda tushuntirdi, – Biz haykal qo‘ymoqchi emasmiz. Biz Garvard uchun yangi bino qurib bermoqchi edik.

Rektorning ensasi qota boshladi. U yana o‘sha rangpar ayollar libosi va aftoda kostyumga nazar soldi va xitob qildi:

— Bino?! Bilasizmi o‘zi bino qurish uchun qancha kerak? Garvarddagi binolarimiz yetti yarim million dollardan ortiqroq turadi!

Ayol bir muddat sukut saqladi. Rektorning yuzida mamnuniyat alomatlari balqidi. Ehtimol, endi ulardan qutular. Shunda ayol eriga yuzlandi va sekingina dedi:

— Universitet qurish uchun bor yo‘g‘i shuncha pul kifoyami? Unda nega o‘z universitetimizni qura qolmaymiz?

Eri boshini silkitdi.

Rektorning afti xijolatdan sullayib qoldi. Mister hamda Missis Liland Stenford o‘rinlaridan turishdi va chiqib ketishdi. Ular Palo Altoga, Kaliforniyaga safar uyushtirdilar va o‘sha yerda Garvard qadriga yetmagan o‘g‘illari uchun yodgorlik o‘laroq yangi ilm dargohi — Stenford universitetiga asos soldilar.

🍎 @Stiv_Jobs
Har kuni kechagidan ilimliroq :)

Aytganimday Eridan foyda😁

$Trump va $Melania sotib olish imkoniyatlarini kòrib chiqyapman. Er-xotinning qaysi biridan kòproq foyda qilsa bòladi deb òylaysiz?😁 Men eridan 3x qilsa bòladi deb òylayapman

Xikoya...

Rum shaxriga bir yosh savdogar tashrif buyurdi. Bu shaxarda mashxur bir tikuvchi bor edi. Yosh savdogar shu chevarda kiyim tiktirishni xoxladi. Yo‘lovchi mo‘ysafiddan chevarning do‘koni qayerdaligini so‘radi.
Mo‘ysafid unga chevarning do‘koni qayerda ekanligini tushuntirib berdi va
ogoxlantirdi:
- Bolam, u mashxur chevar bo‘lgani bilan, qo‘li egri. Extiyot bo‘l. Mana man deganlarning matolaridan o‘zlariga bildirmay qirqib
oladi.
- Ex otaxon, men savdogarlikni bekorga qilib yuribmanmi? O‘g‘ridan ko‘pini ko‘ribmanmi? Xali mening matolarimni o‘g‘irlaydigan o‘g‘ri tug‘ilmagan!
- Bolam u juda moxir o‘g‘rida!
- Otaxon, mendan xech narsa ololmaydi. Manzilni ko‘rsatganingiz uchun raxmat!
Otaxonga shu javobni aytib, savdogar chevarning do‘koni tomon ravona bo‘ldi. Do‘konni qidirib topdi. Ichidan chevar
chiqib keldi. Chevar shunday mulozamat qildiki savdogarga, xuddi ming yillik tanishlardek kutib oldi. Savdogar chevarning oldiga o‘zi bilan olib kelgan
qimmatbaxo matoni yoydi. Chevar savdogarning o‘lchamlarini olib matoni qaychi bilan qirqa boshladi. O‘z ishini bajarayotib Rumning go‘zal qizlari xaqida
gapirardi, turli xil latifalar aytardi.
Latifalarning qiziqligidan savdogar boshini tepaga qilib, qaxqaxa otib kulardi.
Chevar bu onda tezlik bilan matoning bir tomonini qirqib olar va berkitar edi.
Keyingi safar undan xam kulguliroq latifa aytardi. Savdogar kulaverganidan
ko‘zlari yumilib ketar, bu onda chevar matoning yana bir parchasini qirqib olib
yashirar edi. Birdaniga chevar jim bo‘lib o‘z ishini bajarishda davom etdi.
- Ey chevar, juda qiziq latifalar bilar ekansan.
Nega jimib qolding? Davom et . . .
- dedi savdogar.
- Ey savdogar, agar yana bir marta latifa aytsam, senga kiyim tor kelib qoladi . . .
deb javob qaytardi.

Endi sizga bu
qaxramonlarni tanishtiray: Xikoyadagi savdogar bu - siz, men, barcha insonlar.
Mo‘ysafid esa bizga nasixat qilguvchidir. U otamiz, ustozimiz, xikoya, ibratli
voqea va xokazolardir. Chevar bu dunyodir. Uning qirqib olayotgan qimmatbaxo matosi
esa, insonning qimmatli vaqtidir. Dunyo shunday, sizga kulgili, ko‘ngil-ochar
narsalarni ko‘rsatib, vaqtingizni o‘zining o‘tkir qaychisi bilan “zip” etib
qirqib olaveradi. Buni payqamay qolasiz. Ba’zan payqaganingizda, kiyimingiz tor kelib qolgan bo‘ladi. Ya’ni vaqtimiz juda oz qolgan bo‘ladi dunyoda. Vaqtni bekor sarflamaslikni bugun sizga va o‘zimga nasixat qildim

🍎 @Stiv_Jobs
Har kuni kechagidan ilimliroq :)

Muvaffaqiyat:
✔️ Stiv Jobs aforizmlari ✔️

- Buyuk san’atkor va olimlar ham omadsizlikka yuz tutganlar. Men shunga amin bo‘ldimki, muvaffaqiyatli va omadsiz odamlarni ajratib turgan yagona omil, bu – qat’iyat ekan.

- Muvaffaqiyatning yana bir asosi – muhabbat, o‘z ishing va g‘oyalaringga nisbatan muhabbat. Shunda qilayotgan ishing kelajaging uchun daxldorligini his qilasan.

- Sening yerdagi vaqting chegaralagan. Shu sababli, boshqalarning hayotiga aralashib, uni birovlarning hayotida behuda sarflama. Odamlarning fikri bilan yashashdek tuzoq aqidadan uzoqda bo‘l.

🍎 @Stiv_Jobs
Har kuni kechagidan ilimliroq :)

+ Toncoin -60% zararda)

Pulning paydo bo‘lishi haqida afsona...

– Qaranglar, – dedi fir’avn qohinlarga, – pastda zanjirband qullar tosh tashimoqda. Qo‘riqchilar esa ularni nazorat qilmoqda. Qullar soni ortishi, albatta, davlat uchun foydali – har holda, biz doim shunday fikrlaganmiz. Lekin, qullar soni ortgani sayin ularning nazorati ham qiyinlashib boradi. Buning ustida, biz qullar yaxshi ishlashi uchun ularni ovqatlantirishimiz kerak. Shunday bo‘lsa-da, qullar o‘zgarmaydi, ular doim dangasa va isyon qilishga moyil… Qullarning imillashini qarang, nazoratchilar ularni uraverib charchagan, endi qamchi ham ularni tezroq harakat qilishga majbur qilolmaydi. Hali qullar juda tez harakat qiladigan bo‘lishadi, ularni nazorat qilishgayam hojat qolmaydi. Nazoratchilarning o‘zlarim ham qulga aylanishadi. Jarchilarga tayinlang, bugun quyosh botishi oldidan fir’avnning farmonini qullarga yetkazishsin: “Erta sahardan boshlab, barcha qullar ozod qilinadi. Har kimga, manzilga yetkazgan har bir tosh uchun bir tanga to‘lanadi. Tangalarni ovqat, kiyim-kechak va hatto qasrga ayirboshlash mumkin bo‘ladi. Bugundan e’tiboran, barchangiz ozodsiz”…

Ertasi kuni saharda fir’avn va qohinlar tepalikka ko‘tarilishdi. Ularning ko‘z o‘ngida paydo bo‘lgan vaziyat aqlni shoshirar edi: minglab ozod etilgan qullar kechagina bazo‘r tashiyatgan toshlarni endi kim o‘zarga tashishar, ularga ayrim nazoratchilar ham qo‘shilgan edi. Terga botib, ikkitadan tosh yelkalab olganlar ham kammasdi. Zanjirlar olib tashlangan, hamma o‘zini erkin his qilar va farovon kelajak qurish niyatida imkon qadar ko‘proq pul topishga intilar edi. Fir’avn o‘zining kashfiyotidan mamnun holda, pastdagi o‘zgarishlarni bir qancha muddat kuzatishda davom etdi.

O‘zgarishlar esa aql bovar qilmas darajada edi. Sobiq qullarning bir qismi o‘zaro kelishib, guruhlarga bo‘linib, yanada ko‘proq tosh tashish uchun aravalar yasay boshlagan, ayrimlar vaqtni tejash uchun ovqatni yo‘l-yo‘lakay yeyishni ham odat qila boshlashgan edi.
– Tanga ilinjida ular hali juda ko‘p kashfiyotlar qilishadi, – dedi istehzo bilan fir’avn, – tez orada o‘zlariga tartib-qoidalar ishlab chiqishni va boshliqlar saylashni boshlashadi. Mayli, saylayverishsin: axir, ular o‘zlarini erkin deb hisoblashadi. Lekin mohiyat o‘sha-o‘sha – ular, oldingiday, haliyam tosh tashiyaptilar…

🍎 @Stiv_Jobs
Har kuni kechagidan ilimliroq :)