⤵️ Aynan shu narsalar 90% odamlarning rivojlanishiga xalaqit beryapti

1. Xato qilishdan qoʻrqish
Xatolar aslida jarayonning bir qismi. Xato qilmagan odam emas, umuman harakat qilmagan odamgina yutqazadi.

2. Ideal vaqtni kutish
“Koʻproq pul topsam”, “oʻqishni bitirsam”, “yangi uyga koʻchsam”, “stressdan qutilsam” deb kutib oʻtiraversangiz, shunchaki vaqt yoʻqotasiz xolos.

3. Oʻziga ishonchsizlik
“Yetarlicha aqlli emasman”, “menda talant yoʻq”, “boshqalar mendan kuchliroq (boyroq, yaxshiroq) va hokazo. Bu xayollar sizga hech yordam berdimi? Albatta yoʻq.

4. Atrofdagilar
Agar atrofingiz layoqatingizga ishonmaydigan, sizni bilim olishdan chalgʻitadigan, katta maqsadlarga intilmaydigan odamlarga toʻla boʻlsa, siz ham ularning biriga aylanib qolasiz.

5. “Passiv” oʻrganish
Yuzlab ta’limiy kanallarga a’zo boʻlasiz, oʻnlab kurslarni yuklab olasiz, vebinarlar, seminarlarga qatnashasiz, ammo hech bir bilimingizni amalda sinab koʻrmaysizmi? Bu bilan oʻzingizni rivojlanishdan faqat uzoqlashtirasiz xolos.

Vaziyatingiz oʻzgarishi uchun qarashlaringizni oʻzgartiring. Sizni ilhomlantiradigan odamlarga yaqin boʻling va harakat qilishdan choʻchimang!

Postni eng yaqin doʻstlaringizga ulashing va rivojlanishni birgalikda boshlang🔥