Soliha | 💸 & Frilans

Bugun o’qishga bormasdan, Muhammadali bilan rosa daydidik🫂

Birinchi BONga borib, dugonam Dilnoza bilan uchrashdik. Biz suhbatlashib o’tirganda, o’g’lim karamel raf bilan tvorogli pishiriqni paqqos tushirdi😅 Rasmga olishgayam ulgurmadimeee))

Keyin esa TBC kartamni olishga Yunusobod dehqon bozoridagi ofisiga bordik. Bu kartadan avtobus va metroga to’lov qilsa keshbek qaytadi deb eshitganim uchun zakaz qilib ko’rdim. Muhimi, karta chiqarish bepul ekan😂

Endi ishlatib ko’rsam, bilamizda, qancha keshbek qaytishini😊

➖Orangizda bu kartani
➖ishlatadiganlar bormi?

Tungi pitsaxo’rlik😋

Onam, onamning onasi ham qancha yesa ham semirmaydiganlardan. Menda ham ularning geni borligi haqiqiy yutug’im desam-a🤣


➖➖➖➖➖➖➖➖➖➖


P.S. Birinchi marta pitsani tayyor kesilgan toster nonlardan qildim, juda zo’r chiqarkaneeey👍

#kitob

O’qiyotgan kitobim “Bobildagi eng boy odam” kitobi edi. Moliyaviy savodxonlikni oshirish uchun eng asosiy kitoblardan biri hisoblanadi.

Kitobdagi boylikning 7️⃣ qonunini sizlar bilan bo’lishgim keldi.

1️⃣ Daromadning 10%ini doimo yig’ish va uni keraksiz narsalarga ishlatib yubormaslik. (Keyinchalik aniq daromad keltiradigan ishonchli investitsiyalar uchun ishlatiladi)

2️⃣ Sarflaringiz qolgan 90% pulingizdan ortib ketmasligi kerak.

3️⃣ Har bir yig’ilgan pulingiz daromad keltirishi kerak.

4️⃣ Yig’ilgan summani juda ehtiyotkorlik bilan ishlatish, bo’lmag’ur investitsiyalar qilmaslik

5️⃣ O’z uyingizga ega bo’lish.

6️⃣ Qarilik uchun jamg’arma tayyorlab qo’yish.

7️⃣ Pul ishlash va ko’paytirish bilimini olish uchun doimo harakat qilish.


➖➖➖➖➖➖➖➖➖➖➖

Nima uchun moliyaviy savodxonlik haqidagi kitoblarga qiziqib qolganimni keyingi postlarda yozaman.

Aytingchi, siz bu kitobni o’qiganmisiz?

Ancha vaqtdan beri BONga kelmagandim (kanalimga ham) 😊

Qaysi kitobni o’qiyapman deb o’ylaysiz?

🔝 Kun yangiligi

2018-2024 yillar mehnat daftarimda 196-maktab o’qituvchisi deb yozildi.

Aslida, 30-avgustda ham ariza yozgan edim, ammo direktor qo’l qo’ymagan ekan😂 meni qaytishimga umid qilganlar shekilli)) Ammo bugun yana bir marta borib ariza yozdim.

Tabriklang, endi ishsizman desama🤣

PhD diplomni olvolay, keyin ishlashni boshlarman😊

Bugun o’zimni yangi kitob bilan xursand qildim❤️‍🔥

#kitob

Bu kitobni anchadan beri qidirib yurgandim, vanihoyat topdim🤩

Siz o’qiganmisiz?

💾 Blog yuritishdan oldin o’zingizga berishingiz shart bo’lgan 10 savol

#foydali #bloging

1️⃣ Menga blog nima uchun kerak?

Menimcha, bu eng muhim savol. Blog yuritishni boshlamoqchisiz, lekin nima uchun? Bu sizga nimaga kerak?

⏺Shaxsiy brend yaratmoqchimisiz?
⏺Biznesingizni rivojlantirmoqchimisiz?
⏺Kurslar sotmoqchimisiz?
⏺Yoki xizmatlaringizni sotmoqchimisiz?
⏺Shaxsiy kundalik sifatida blog yuritmoqchimisiz?
⏺Yoki mashhur bloger bo’lib, reklamalar orqali pul topmoqchimisiz?

2️⃣ Blogim kimlar uchun?

Sizni kimlar kuzatishi kerak? Siz joylaydigan kontent kim uchun qiziq bo’ladi?

3️⃣ Qaysi sohada ekspertman?

Bu sizga blogingiz mavzusini aniqlash uchun yordam beradi.

4️⃣ Men joylamoqchi bo’lgan kontentlarga hozir talab bormi?

Agar joylayotgan mavzuingiz faqat sizga qiziq bo’lsayu, boshqalarga qizig’i yo’q bo’lsa, buni joylamagan ma’qul.

5️⃣ Blogimdan qanday qilib daromad topmoqchiman?

Har qanday blogni monetizatsiya qilsa bo’ladi, biron sohada ekspert/mutaxassis bo’lmasangiz ham.

Masalan:
⏺ reklama
⏺ konsultatsiya
⏺ boshqalar uchun kontent yaratib berish
⏺ givlarda sponsorlik

6️⃣ Blogimga pul ajratishga tayyormanmi?

Blogingiz rivojlanishi uchun albatta pul tikish kerak bo’ladi.

⏺ qandaydir kurslarda o’qish uchun
⏺ blogerlarda reklama qildirish uchun
⏺ fotosessiyalar uchun
⏺ target reklama uchun

pul ajratish kerak albatta. Bunga tayyormisiz?

7️⃣ Blogimga qancha vaqt ajratishga tayyorman?

Men hozir blogim uchun kuniga 2-3 soat vaqt sarflayapman. Keyinchalik bundan ham ko’p bo’lishi mumkin. Shunga qarab kunlik rejangizni qo’yib olishingiz kerak.

8️⃣ 3 oy, yarim yil yoki bir yil tekinga ishlashga tayyormanmi?

Hammamiz ham blog orqali jaraq-jaraq pul topishni xohlaymiz. Ammo tan olish kerak, boshida topgan pulingiz reklamaga ketgan xarajatlaringizni qoplashga ketadi. Keyinchalik topgan pulingizni yarmini reklamaga ajratib qo’yishni boshlaysiz. Agar shunday qilmasangiz, auditoriyangizni charchatib qo’yasiz.

9️⃣ Yangi narsalar o’rganishga, bilimimga investitsiya kiritishga tayyormanmi?

Aytib qo’yay, bloging — doimo bilimlaringizni oshirib borishni talab qiladi. Boshqa kasblar ham shu. O’qituvchi va shifokorlar ham 3-5 yilda 1 marta malaka oshirib turishadi. Xuddi shunaqa, blogni sifatli yuritish uchun doimo kurslarda o’qish va yangi bilimlar olib turish kerakligini yodingizda tuting.

1️⃣0️⃣ Nimadan qo’rqaman?

Endi blog yuritishni boshlayotganlarning turli qo’rquvlari bo’ladi va bu ularni olg’a qadamlar qo’yishdan saqlaydi. Masalan:

⏺Men qanday kontent joylash kerakligini bilmayman
⏺Meni obunachilarim ko’paymasachi?
⏺Qaysidir qarindoshlar/qo’ni-qo’shnilar bilib qolsachi?
⏺Blogim orqali pul topa olmasamchi?
⏺Qo’limdan hech narsa kelmasachi?
⏺Vaqtim yetmasachi?

Va eng ko’p tarqalgani:
⏺Ustimdan kulishsachi?

Yodda tuting: agar qaroringiz qat’iy bo’lsa, hech narsa sizga to’sqinlik qila olmaydi. Agar bittagina yomon komment sizni to’xtashingizga sabab bo’lsa, demak maqsadlaringiz siz uchun unchalik muhim emas ekan. O’zingizga nima yoqsa shuni qilishda davom eting, aks holda, bir kun kelib afsuslanishingiz mumkin🧡


➖➖➖➖➖➖➖➖➖➖➖

Postimni erinmay oxirigacha o’qigan bo’lsangiz, bundan judayam xursandman va kommentlarda fikrlaringizni kutib qolaman😊

Agar 20 ta 🔥 yig’ilsa, 2024-2025 yillarda qaysi mavzulardagi bloglar tez obunachi yig’ishi haqida post joylayman)