So'g'diyona Fan Club | Rasmiy⚽

Assalomu alaykum sizni "So‘g‘diyona" jamoasida ko‘rib turganimizdan xursandmiz. Ehson, avvalo, "So‘g‘diyona" jamoasiga xush kelibsiz!

- Katta rahmat

O‘zbekiston chempionati siz uchun yangilik emas. Navbahor klubida o‘ynagansiz, bu yerga qaytishingiz qanday hislarni uyg‘otmoqda?

- Bu yerda o‘ynash men uchun juda qiziqarli edi! Shu sababli yana qaytib kelish imkoniyati bo‘lganidan juda xursandman. Avvalo, jamoa yigitlariga iliq kutib olgani uchun rahmat. Men juda minnatdorman va bu yerda juda yaxshi jamoa bor!

Tojikiston va O‘zbekiston chempionatlari o‘rtasidagi farqlar haqida o‘z fikrlaringizni bilmoqchi edik. Sizningcha, bu ikki liga o‘yinlari va muhitida qanday asosiy farqlar bor?

- Chempionatlar o‘rtasida farq bor, O‘zbekistonda, barcha ko‘rsatkichlar bo‘yicha chempionatimizdan biroz yuqoriroq. Maydonlar, o‘yin darajasi, infratuzilma – hammasi yaxshi. Ammo Tojikistonda ham bu borada o‘sish bor va bu yo‘nalishda ish olib borilmoqda.

Yangi mavsum oldidan "So‘g‘diyona" jamoasi oldiga katta maqsadlar qo‘ymoqda. Shu borada jamoa rejalarini qanday baholaysiz?

- Shunday yuksak maqsadlarning borligi juda yaxshi, bu jamoaning juda professional ekanini ko‘rsatadi. Biz esa o‘zimizdan kelib chiqib jamoamiz bilan mashg‘ulotlarda, ham o‘yinlarda maksimal darajada harakat qilamiz va ushbu natijalarga erishamiz, insha Alloh.

Futbolning eng muhim qismi – muvaffaqiyat. Sizningcha, bu yo‘lda qaysi sifat muhimroq: mehnat yoki iste’dod? Har ikki omilni solishtirish qanchalik qiyin?

- Men shunday deb hisoblayman, qattiq mehnat qilmasdan hech narsa chiqmaydi – bu mening shaxsiy fikrim. Shu sababli doim maksimal darajada mashq qilish kerak, keyin esa Xudo xohlasa hammasi yaxshi bo‘ladi.

O‘tgan faoliyatingiz davomida siz uchun eng esda qolgan o‘yin qaysi? Ushbu o‘yin sizga nimani o‘rgatgan va qaysi saboqlarni bergan edi?

- Osiyo chempionatidagi o‘yin, unda biz "Livan" va "BAA" terma jamoalariga qarshi o‘ynab g‘alaba qozonganmiz. Nimani ayta olaman – jamoaga va avvalo, o‘z kuchingga ishonish kerak, oxirigacha kurashish kerak. Bu menga saboq bo‘ldi: har doim ishonch bilan oxirigacha o‘ynash kerak!

Ehson, samimiy va maroqli suhbat uchun sizga katta rahmat!

Biz jamoa va muxlislarimiz nomidan yangi mavsumda zafarlar tilaymiz.

- “So‘g‘diyona” muxlislariga mendan katta salom! Har qanday vaziyatda bizni qo‘llab-quvvatlab tursinlar. Biz esa jamoamiz bilan ularni xursand qilish uchun qo‘limizdan kelganini qilamiz. Hamma-hammaga katta rahmat!

So'g'diyona matbuot xizmati

Agar chetdan murabbiy olib kelinsa vaqt deyarli yetarli emas bu birinchidan ikkinchidan esa u o’z talablarini qo’yadi Ufa ham o’z talablarini qo’yadi keyin futbolchilar bilan tanishish kerak kim qanday o’ynaydi kimda qanday harakter! agarda mahalliy murabbiy bo’lsa bular haqida o’ylab ham o’tirmaydi taklif bo’lgandan yo’q deya olmaydi!
oylik vaqti kelsa iya? oylik ham berasizlarmi deb qo’yaveradi albatta bu hazil 😆

Yaqin fursatlar ichida Milliy jamoa bosh murabbiyi sifatida Kapadze tanishtiriladi!

Mahalliy murabbiylar ichidan Milliy jamoaga munosib murabbiy kim deb o’ylaysiz?

Xorijlik emas mahalliy murabbiy kerak hozirda lekin Kapadze masalasi to’g’ri emas deb o’ylayman!

Katanesga sog'lik salomatlik tilaymiz