☪☪☪☪☪☪
#mutolaa #maʼlumot
🔖Namozning hikmatlari

🟢 Namoz Islomning ikkinchi rukni, ibodatlarning onasi, tovarlarning asosi, gunohlarni yuvuvchi, yomonliklarni qaytaruvchidir.
🟢 Namoz kalimai shahodatdan keyingi eng ulugʻ farzdir.
🟢 Namoz bandaning Alloh ila bogʻlanish vositasidir.
Unda banda Alloh bilan yolgʻiz qolib, U Zotga munojat qiladi, barcha dardlarini toʻkib solib, ruhiy, maʼnaviy lazzat oladi.

Bu dunyoda hayot kechirayotgan odamning oʻziga yarasha dardi, hasratlari boʻladi. Ularni boshqa odamlarga aytsa, yordam olib boʻlmasligi mumkin, qolaversa, ular sirni boshqalarga fosh qilib, dard ustiga chipqon boʻlishida. Dardu hasratni Alloh taologa aytilganda esa Alloh yordam beradi va sirni fosh qilmaydi. Hech boʻlmasa, banda dardini toʻkib solib, huzur qiladi.
Namoz oʻqish bilan banda oʻzining barcha ishlarini Alloh taologa topshiradi. Banda oʻz namozi ila oʻziga omonlik, xotirjamlik va najot tilaydi

🟢 Namoz yutuq va najot yoʻlidir.
🟢 Namoz - xato va gunohlarni yuvishning eng ishonchli yili.
🟢 Namoz namozxonni Alloh taologa yaqin qiladi, uning irodasini mustahkamlaydi. Faqat Allohgagina izzat talab qilishga oʻrgatadi.
🟢 Namoz insonni bu dunyo natijalaridan oʻzini yuqori tutishga oʻrgatadi.
🟢 Namoz oʻz egasiga mislsiz nafsoniy rohat va ruhiy farogʻat bagʻishlaydi.
🟢 Namoz oʻqiydigan odam gʻaflat uyqusidan qutulib, ushbu hayotdagi oʻz maʼsuliyatini sidqidildan ado etadigan boʻladi.
🟢 Namoz kishiga intizomli boʻlishni, hamma ishlarni tartibli ravishda yoʻlga qoʻyishni, vaqtni tejash va tartibga solishni oʻrgatadi.
🟢 Namozxon odam hilm, xotirjamlik, shoshilmaslik, viqor, sabr kabi koʻplab shaxsiy sifatlarga ega boʻladi.
🟢 Namoz oʻz egasini yuksak insoniy fazilatlarga ega boʻlishga, turli fazilatlardan xoli boʻlishga olib boradi.
🟢 Namoz musulmon kishini gʻayrimusilmondan ajratib turuvchi asosiy belgidir. Shuning uchun ham namozxon odamni hamma hurmat qiladi, unga ishonadi, undan xotirjam boʻladi.

🟢 Namoz poklik ramzidir

©️ "Kifoya" Shayx Muhammad Sodiq Muhammad Yusuf rohimahulloh