Деньги с телеграм-канала

Яндекс помогает заработать от 1500 подписчиков!

Ваш доход с телеграм-канала

С аудиторией от 1500 подписчиков. Подключайтесь!

Продаётся канал l Психология l

23 890 пдп, доход 48 000 в месяц, цена 159 000 рублей

Статистика Избранное

SIRLI KITOBXON I Ibragimov Ulug'bek

@sirli_kitobxon

Гео и язык канала: Узбекистан, Узбекский

Категория: не указана

SIRLI KITOBXON I Ibragimov Ulug'bek
Telba-teskari fikrlarim, asarlardan iqtibos va taqrizlar, sevimli filmlarim va podkastlar, she'rlar va shunga o'xshash nimadirlar...
Kimligimmas, hislarim sirli...
Aloqa 📬: @kitobxon_aloqa_bot (vaqtinchalik o'chiq)

Связанные каналы | Похожие каналы

Гео и язык канала

Узбекистан, Узбекский

Категория

не указана

Статистика

Избранное

Фильтр публикаций

Скрывать удаленные

Скрывать репосты

SIRLI KITOBXON I Ibragimov Ulug'bek

27 Jan, 07:46

Iqbol Mirzoning "Bonu" asariga taqriz

Qachon bema'ni dunyo nihoyat biroz tuzatiladi?

(Frans Kafka)

O'zbek adabiyoti xilma-xilligi bilan bizni hech zeriktirmaydi. Misol uchun Tog'ay Murod asarlari yoki Asqad Muxtorning "Tundaliklar"i. Yozuvchi Iqbol Mirzo ham "Bonu" asari bilan adabiyotimizga yangi bir modern uslub olib kirdi desak, mubolag'a qilmagan bo'lamiz. Asar to'liq facebook'dagi yozishmalardan iborat. Dastlab bu menga biroz erish tuyildi, ammo asarni o'qish davomida voqealar meni shunchalik o'z domiga tortdiki, men o'zimni asar ichida yurgan odam singari his qildim.
O'zbek qizlariga yashash o'ta qiyin. Birinchidan, or-nomusini saqlashi kerak, aytishadi-ku, qiz bolani nomusi shishaga o'xshaydi, bir marta sindiki, qayta tiklanmaydi. Menimcha bu barcha qizlarga emas, faqat o'zbek qizlariga tegishli. Ularni or-nomusi nafaqat o'ziniki, balki ota-ona, aka-uka, opa-singillariniki hamdir. Biz (o'zbek)lar shunchalik qizlarni or-nomusiga juda qattiq e'tibordamiz-u, lekin yigit va erkaklarning nafsi haqida gap ketganda hammamiz jimmiz. Xo'sh, ularga kim javob beradi?.. Menimcha biz qizlarni tarbiyasiga haddan ziyod e'tibor qaratamiz-u, yigitlarga kelganda tarbiya ko'pincha ko'chada qoladi. Fahsh qizlar uchun o'limga teng-u, yigitlarga kelganda normaga aylanadi.
Ikkinchidan, qiz bola o'qib olima bo'lolmaydi. Ha, to'g'ri, afsuski shunday. Olimlar yetishtirishi mumkin, lekin o'zi olima bo'lolmaydi. Bir yo'li turmush qurmaslik (men buni targ'ib qilmayman), lekin bizning jamiyat buni hech qachon to'g'ri qabul qilmaydi. Oila qurgach ayollarimiz doim oilaga g'amxo'rlik qilishi kerak, kariyera qilishga xohish ham, kuch ham qolmaydi. Orzulari shunchaki orzu bo'lib qoladi (ehtimol borib-borib bu orzular ham yo'qolar). Oilada onaning asosiy vazifasi pul topish emas, farzand tarbiyasi ekanligi hech birimizga sir emas. Shu uchun ish ikkinchi planda qolib ketadi. Afsuski, ona qurbon bo'lib beradi bunday vaziyatlarda. Shuning uchun ham biz bilgan eng dono, eng oqila qizlar ko'p hollarda turmush qurgach "yo'q bo'lib" ketadi.
Bonu - bu buxorolik qiz. Uning katta bir "aybi" bor edi, u o'ta chiroyli qiz edi. Mana shu "aybi" uning hayotini ag'dar-to'ntar qilib yubordi. Bobosi ta'lim-tarbiyasida o'sgan, dindan xabari bor qiz edi. Endi bunday qizga kimlar oshiq bo'lmaydi deysiz. Shoh ham, gado ham, egri ham, to'g'ri ham sovchi bo'lib kela boshlaydi. Ammo Bonu hammaga rad javobini berardi (chunki u Olmosni sevardi), lekin ba'zi bir ifloslar gap tushunmas bo'ladi. Yusuf Bonuni nomini bulg'ab bo'lsa ham unga erishmoqchi bo'ladi. Eh-h-h, nimalarni boshdan kechirmadi, deysiz bu qiz. Moskvadagi hayoti esa alohida tragediya.
Bonuni keyingi hayoti meni juda qiziqtirdi, biror kun kelajakda Iqbol Mirzo bilan ko'rishib qolsak, Bonuni keyingi taqdirini albatta so'rayman. Chunki asar real voqealarga asoslangan. Shu jihatdan ham asar qiymati ancha baland.
O'ylashimcha, har bir o'zbek qizi asarni o'qib chiqsa maqsadga muvofiq bo'lardi.

#taqriz #bookreview

@sirli_kitobxon

44 0 2 3

SIRLI KITOBXON I Ibragimov Ulug'bek

25 Jan, 20:06

Biz hali-beri rivojlanmaymiz. Abduqodir Husanov bilan bizni chalg'itishdi. Juda osonlik bilan chalg'itishdi. Faqat endi ham aytmanglar, bookblogerlar, qaysidir aktyorlarni yangi jadidlar deb. Bookblogerlarni o'ziga baykot berib yuborish kerak o'zi. Ey, gapirsak gap ko'p...

98 0 0 10

SIRLI KITOBXON I Ibragimov Ulug'bek

25 Jan, 19:16

Muhabbatni ermak deb o'ylar
Muhabbatdan tug'ilmaganlar!

~ A'zam O'ktam

#nazm

@sirli_kitobxon

100 0 1 5

SIRLI KITOBXON I Ibragimov Ulug'bek

24 Jan, 10:03

Ha, odam bolasi ko'zlari ilg'agan narsanigina mavjud deb o'ylaydi, qo'llari tutgan jismnigina borligiga ishonadi.

...eshitar – tinglamas, ko'rar – anglamas...

Tanangda og'riq his etsang, demakki sen tirik jonsan,
O'zgalar og'rig'in sezsang, demak, insonsan, insonsan!

Biz odamlar shunaqamiz, birovlarni xudbin deymiz-u, o'z manfaatimiz uchun boshqalarni qurbon qilayotganimizni o'ylab ham ko'rmaymiz.

Otasi o'lgan erkak to'laqonli erkin va mustaqil bo'ladi, ayol esa battar ojiz va qaramga aylanadi.

Bu olamda ming yil Fir'avndek davr surib yashasang ham qanoating bo'lmasa, badbaxtligingcha qulog'ingni ushlab ketaverasan...

Naylayki, odamzod o'zidan uyalishi, or qilishi, hatto nafratlanishi mumkin, biroq tashlab ketolmas ekan.

Musofirlik bu – o'z ixtiyoring bilan kelib, o'zgalar ixtiyori bilan yashaysan degani...

Omading bir cho'chisa, baxting hurkib qochar ekan...

Qiyin ekan dadalardek fikr yuritib, masalani uzil-kesil hal qilish. Bunday jur'at va hukm uchun kitobda o'qigan bilimlaring kofiy emas. Agar faylasuflarning pand-u nasihatlari qo'l kelganida hech kimning boshiga musibat tushmas, turmush yuz karra farovon bo'lmasmidi?

Bu dunyoda eng katta fojia – sen ishongan, e'tiqod qo'ygan g'oya puch bo'lib chiqsa, dohiylar ashaddiy jinoyatchi-yu, ularning aqidalari safsatadan iborat ekani fosh bo'lsa...

📖 "Bonu"
✍🏻 Iqbol Mirzo

#iqtiboslar

@sirli_kitobxon

107 0 2 6

SIRLI KITOBXON I Ibragimov Ulug'bek

22 Jan, 07:24

Репост из: The Idiot

- Tolstoyning shaxsiyatini yomon koʻraman, chunki, uni Dostoyevskiy yomon koʻrgan - deb qoldi OʻlmasTemur.

Nega? Dostoyevskiy paygʻambar yoki pir emas. Aslida uning shaxsiyati ham yaxshi koʻradigan darajada emas-ku. Tarixga qilgan ishlariga boqsak "Vremya" jurnalida oʻz akasi ikkalasi, Fon Kaufman va uning kabi tajribali, qonxoʻrlarni Turkiston ustiga yurishga undaydi. Talab qiladi.

Biz agar Yevropaga yuzlanadigan boʻlsak, ular bizlarni sahroyilar kabi qarashadi va hech qanaqasiga qabul qilishmaydi. Turkiston tomon otlansak ular bizni oʻz ogʻalaridek qabul qilishadi

Adabiy muxlislik oxirida borib fanatizmga, fanatik qarashga olib kelmasligi kerak. Fanatiklik - qolgan barcha haqiqatlarga koʻz yumishdir.

Har qanday holatda ham adekvat fikrda qolish kerak.

127 0 0 3

SIRLI KITOBXON I Ibragimov Ulug'bek

21 Jan, 21:57

Bir sevimli gapim bor-ku, agar qiz bo'lganimda falon narsani ikki karra ko'proq yaxshi ko'rgan bo'lardim degan. Xullas, shu gap, agar qiz bo'lganimda "Bonu"ni ikki karra ko'proq sevib mutolaa qilgan bo'lardim.

123 0 1 2

SIRLI KITOBXON I Ibragimov Ulug'bek

21 Jan, 11:48

Surgun qilinmaskan hech qanday osiy
Begʻalva, bejanjal, bexatar yerga,
Olib gunohiga loyiq jazosin,
Noxush manzillarda taʼzirin yerkan,
Nechun baxt izlaysan nochor dunyodan,
Bunda nishon yoʻqdir undan tayin gap,
Taʼqiqni buzganda gunohkor Odam
Badargʻa etilgan, axir zaminga!

~ Nurmuhammad Abduzoirov (2019)

P/s: Fursatdan foydalanib shoir Nurmuhammad akamizni tug'ilgan kunlari bilan tabriklab qo'yamiz)

@sirli_kitobxon

136 0 0 1

SIRLI KITOBXON I Ibragimov Ulug'bek

20 Jan, 07:20

Hermann Hessening "Siddhartha" asariga taqriz.

O'z-o'zingni angla!
(Suqrot)

Bu hayotda halovat topganmisiz? G'alati savol-a? Hamma hayoti davomida qalb halovatini izlab yashaydi, shu uchun kurashadi, shu uchun vaqti kelganda ko'p narsalarni qurbon qiladi: vaqt, oila, sevgi, do'stlik. Bu jihatdan biz "Qirol Artur qilichi" filmidagi Vortigernga o'xshab ketamiz. Shuncha narsalardan voz kechgan holda umrimiz so'nggida qalb halovatiga erisha olmamizmi? Bu ham mavhum, hech kim kafolat berolmaydi.
Siddhartha bilan Govinda ham o'z haqiqatlarini topish uchun yo'lga chiqishadi. Bir muddat samanlar orasida yashaydilar. Ammo samanlar bu ikki do'stga sabr-toqat qilishdan bo'lak hech nimani o'rgata olishmadi. Ular Budda yoniga yo'l olishdi va uni va'zlarini tinglashdi. Uning nutqi o'ta ta'sirli va fikrlari asosli edi. Bu va'zlar ikkala do'stga ham yoqib tushdi, biroq faqat Govindagina qolishga qaror qildi. Siddhartha bu ta'limotga hech qachon qo'shilolmasdi, buni o'zi qalban his qilardi, u dunyo kezishi kerak edi, u sayyoh edi. Bu yerda qolib o'z qalb haqiqatini topishiga ishonmasdi. Mana shunda uning yangi hayoti boshlandi. Shaharga borib, necha yillar boylik va fahshga botgan holda Kamala bilan yashab ko'rdi. Ammo u bundan ham qalb halovatini topa olmadi. Daryoga bordi va daryodan muqaddas bir kalom – "Aum"ni eshitdi va shu kundan boshlab, u yana qayta tug'ildi. Ammo bu hali qalb halovati degan gap emas. Qalb halovatiga erishish ancha mushkul edi.
"Siddhartha" asari buddaviylik haqida so'zlamaydi, Siddhartha bu buddaviylik ta'limoti asoschisi Siddhartha Gautama ham emas. Asar hech qanday tarixiy qiymatga ega ham emas. Asar shunchaki bir insonning haqiqatga erishish yo'lidagi kurashlaridir.

Asar tarjimasida ba'zi bir qo'pol xatoliklarga duch kelishingiz mumkin. Tarjimon ayrim so'zlarni o'z muqobili bilan alishtirish o'rniga qayta-qayta ishlatavergan. So'zlarni to'g'ridan to'g'ri tarjima qilgani uchun ayrim gaplarda g'alizlik ham bor.
Lekin nima bo'lganda ham shunday asar tarjimasi uchun tarjimonga va "Yangi asr avlodi" nashriyotiga o'z minnatdorchiligimni bildiraman.

#taqriz #bookreview

@sirli_kitobxon

166 0 1

SIRLI KITOBXON I Ibragimov Ulug'bek

19 Jan, 13:35

Onaning o'z ro'zg'origa ko'r-ko'rona muhabbati, otaning yosh o'g'ilchasiga bo'lgan ahmoqona sevgisi, yosh juvonning taqinchoqlar va erkaklarning nazariga yovvoyilarcha atayin intilishi - bu barcha mayllar oddiy, ma'nosiz, biroq o'ta kuchli va hayotbaxsh, yengib bo'lmas istak va xohishlar endilikda Siddhartha uchun jo'ngina bolalar o'yini emasdi. Chunki odamlar bu istaklarni deb yashashini, ularni deb barcha to'siqlarni yengib o'tishini, ularni deb safarlarga chiqishini, urushlar olib borishini, ularni deb har qanday sinovlarga, har qanday judoliklarga tayyorliklarini ko'rgandi. U bu odamlarni shuning uchun sevar, ularning har bir intilishida, har bir harakatida hayotni, mangu mohiyatini, azaliy brahmanni ko'rardi. Bu odamlar o'zlarining ko'r-ko'rona sadoqati, ko'r-ko'rona kuchi va hayotbaxshligi bilan muhabbatga, hayratga loyiq edi. Ular hamma narsaga ega edi. Ahli donishlarning, mutafakkirlarning ushoqqina bilimini, olamning yaxlitligi va undagi hodisalarning bog'liqligini anglashini hisobga olmasa, bu odamlar bilan tenglab bo'lmasdi. Biroq Siddharthani shunda ham shubha-gumonlar o'z domiga olardi. O'zi, chindan ham, o'sha bilimlarning, tafakkurning qadr-qiymati bormi? Balki, bular olimlarning go'daklarnikiga o'xshash injiqliklaridir.

📖 "Siddhartha"
✍🏻 Hermann Hesse

#asardan

@sirli_kitobxon

162 0 0

SIRLI KITOBXON I Ibragimov Ulug'bek

18 Jan, 20:21

"Men"ning azaliy manbasini topmoq kerak, unga erishmoq kerak. Zero, qolgan boshqa narsalar behuda, yanglish va noto'g'ri yo'ldir.

Muhabbatni tilab olish, sotib olish, sovg'alar evaziga olish, ko'chadan topish mumkin, ammo uni zo'rlik bilan tortib olish, o'g'irlash mumkin emas.

Hech bir ish iblis izni ila bo'lmaydi, chunki iblisning o'zi mavjud emas. Har bir odam, agar u o'ylashni bilsa, kutishni bilsa, erishishni bilsa, afsun qilishi, istagan maqsadiga yetishi mumkin.

Agar kishining yemakka hech nimasi bo'lmasa, uning uchun eng ma'quli ro'zadir.

Yozmoq yaxshi, o'ylamoq undan-da yaxshi. Aql yaxshi, sabr undan-da yaxshi.

Faqat bolaga o'xshagan odamlargina chindan seva oladi.

Pastga intilmoq xayrlidir. Chunki izlagan narsangni tubdan - quyidan topasan.

O'tmish ham kelajak ham yo'q: faqat shu lahza, shu on mavjuddir.

Kishi biror narsani izlarkan, uning nigohlari izlanayotgan narsasi bor deya o'ylagan joydan boshqa yerga tushmasligi mumkin. Oqibat, u hech narsa qilolmaydi, ko'ngliga ham hech nima sig'maydi. Chunki uning o'y-xayoli izlanayotgan narsasi bilan band bo'ladi. Sababi uning maqsadi tayin, sababi uning maqsadi qat'iy: "Izlash kerak!" Mana, uning maqsadi! Topish esa undan xalos bo'lish bo'lib, bu shunday maqsadni ko'zlamaganlar uchun ochiqdir.

... donishmandlikni birovga o'rgatib bo'lmaydi. Donishmandning boshqalarni dono qilish uchun aytayotgan so'zi ahmoqlikka aylanadi.

📖 "Siddhartha"
✍🏻 Hermann Hesse

#iqtiboslar

@sirli_kitobxon

188 0 3 2

SIRLI KITOBXON I Ibragimov Ulug'bek

17 Jan, 17:32

Har qanday odam umrida loaqal bir marta bo'lsa ham og'ir dardni boshidan o'tkazishi kerak. Bu narsa unga bosib o'tgan yo'liga xotirjam nazar tashlab, hayotiga xolisanlillo baho berishga imkon yaratadi.

~ Nodar Dumbadze ("Abadiyat qonuni")

Nodar Dumbadzening asarlarini har bir inson o'qishi kerak deb hisoblayman. Chunki bu biz haqimizda...

@sirli_kitobxon

198 0 1 3

SIRLI KITOBXON I Ibragimov Ulug'bek

16 Jan, 20:13

Yig'loqi tarix

E degan bir yigit bor edi. Bitta tarix kursiga borardik. Rosa sersavol edi. Men o'zim ham tarixga qiziqaman. Chunki tarixdan hayotiy saboqlar olish mumkin. Ammo tarix o'ta jumboqli. Odam qachon paydo bo'lgan, qachon qaysi urush bo'lgan, bu urushga kim sababchi bo'lgan va unda aniq qancha inson halok bo'lgan bari abstrakt. Hammasi qiyosiy, arxeologik qazishmalar va kitob-qo'lyozmalardan bizgacha yetib kelgan. Men sizga yillarning ko'pi nega bizgacha xato yetib kelganligini isbotlab beraman. Qarang, bizgacha bir necha o'nlab, balki undan ham ko'p kalendarlar bo'lgan. Hamma har xil yil, sana, kunni yozadi. Buni hech qachon aniq to'g'irlab bo'lmaydi. Hatto o'sha milodiyni hijriyga, hijriyni milodiyga aylantirgan paytda ham, orada necha yuz yilda bir qanaqadir tafavvut hosil bo'ladi. 7-sinf O'zbekiston tarixi darsligida shunday deyilgan, so'zma-so'z keltiraman: "Mo'g'uliston xoni Tug'luq Temur 1360-1361-yillarda Movarounnahrga birin-ketin ikki marta bostirib kirdi. Amir Temurning amakisi – Kesh viloyatining hukmdori Amir Hoji Barlos Xuroson tomonga qochadi. 24 yoshli Amir Temur esa boshqacha yo'l tutadi". Bu yerda esa Santugara esa bizga boshqacha ma'lumotlarni kitobdan keltiryaptilar (bitta pastki postni ham o'qing). Yil-ku mayli, tarixiy voqealik ham bir-biriga to'g'ri kelmayapti. Hatto "Temur tuzuklari"ni ham Amir Temur yozmagan degan fikrlar ham bor, chunki o'sha davrda mavjud bo'lmagan Afg'oniston atamasini ishlatilgani uchun. Lekin buni ba'zi tarixchilar, Boburiylar davrida tahrirlangan deyishadi. Kimga ishonasiz shunda? Tarixni g'oliblar yozadi deyishadi, yo'q, tarixni agar g'oliblar yozganda tarix bir xil bo'lishi kerak edi. Tarixni hamma yozadi. Qachongadir kelib esa unisi ham, bunisi ham ro'yoga chiqadi. Ammo tarixni g'oliblar talqin qiladi. Yana misol keltiraman, O'zbekiston teng ikkiga bo'lingan, yarmi SSSR davrini yoqlasa, yarmi ko'rishga ko'zi yo'q. Shunda haqiqat kim tarafda? Agar siz SSSR davrida tug'ilganingizda hech ikkilanmay SSSRni qo'llab-quvvatlagan bo'lardingiz. Biz tarixda omi xalq bo'lganmiz, Rossiya kelib bizga, bilim bergan, degan bo'lardingiz. Lekin biz mustaqillik davrida tug'ildik va biz mustaqillik mafkurasi bilan ulg'aydik. Bizni otamiz Stalin emas, Islom Karimov bo'ldi. Gap tarixdamas, mana Germaniyani hamma unutdi, Yaponiyani ham, Amerika ikki Jahon urushida ham foyda bilan chiqdi. Hamma buni unutdi. Hamma hozirni o'ylayapdi. Lekin biz yana o'sha-o'sha tarix bilan yashayapmiz. Jadidlar, Amir Temur, Jaloliddin Manguberdi bilan maqtanamiz. Izohlarda "Turkiston" deb baqirganimiz bilan Turkiston qayta tuzilib qolmaydi. Hozir bilan yashash kerak. Biz o'zimiz kimmiz? Bo'ldi ota-bobolarimizni qiynashgan, lekin biz faqat yig'lab o'tirishimiz kerakmas-ku. Tarixni kovlashtiraversak ko'p gap chiqadi. Tarix ustozim aytardi-da: "O'zi biz nimamizga maqtanamiz? Arablar keldi - bosib oldi, mo'g'ullar keldi - bosib oldi, ruslar keldi - bosib oldi". Bu yarim hazil, yarim chin bo'lsa-da, haq gaplar. Biz tarixda o'zimiz xato qildik, endi u xatolardan xulosa qilib, yo'lda davom etish kerak. Tarix qiziq bo'lsa, o'zingiz o'qib-o'rganing. Birinchidan, bitta o'qituvchi (domla, professor, PhD, fanlar doktori, akademik) fikri bilan tarix hal bo'lib qolmaydi. Ikkinchidan, boshqalarni asosiy mavzudan chalg'itasiz va vaqtini olasiz.
Oxirigacha o'qiganingiz uchun tashakkur.

@sirli_kitobxon

253 0 2 14

SIRLI KITOBXON I Ibragimov Ulug'bek

16 Jan, 07:32

Tentakka shahar keng, derlar,
Butun shahar tentak boʻlsachi?
Butun dunyo,
Butun koinot!

Oʻzingni ulardan biri, deb bilsang,
Bilsang-u
tor kelsa javonib.
Oʻpkangni quchoqlab erkalatmoqqa
qulochi yetmasa havoning.
Eng baland choʻqqidan sakrab,
Tubsiz jarlik boʻgʻzida qotsang,
Xurjuninga sol meni, toʻydim,
Uyqudan Dajjolni uygʻotsang...

Dahshatlisi, shunday hayqirib
yurganingda
shudring tomchidek
ichib qoʻysa seni kapalak!

~ Jontemir

#nazm

@sirli_kitobxon

231 0 2

SIRLI KITOBXON I Ibragimov Ulug'bek

15 Jan, 19:20

Endi rivojlanaman deysan-u, kasal bo'lib qolasan...

199 0 0 7

SIRLI KITOBXON I Ibragimov Ulug'bek

14 Jan, 14:26

Turkiyalik bir online tanishim bor edi. Aniqrog'i, o'zi o'zbek edi-yu, lekin keyinchalik ota-onasi bilan Turkiyaga ketishiga to'g'ri kelgan. O'zicha doim Turkiyani ko'klarga ko'tarib maqtar, O'zbekistonni esa deyarli dinsizlikda ayblar edi. Guruch kurmaksiz bo'lmaydi deganlaridek, mana ko'rdik Turkiyasining ham ahvolini. Qayergadir tosh otishdan oldin o'ylab ko'rish kerak. Bu shunchaki oddiy bir holat, bunaqa voqealarni nechtasini eshitmaganmiz. Turkiya ham qo'pol qilib aytganda, ikkinchi "Dubay" bo'lgan-qolgan. Oxirzamon yaqin ko'rinadi, to'g'ri musulmon davlatini o'zi ham qolmadi. Ko'rib turibmizki, hatto arablar ham mol-dunyoga berilib ketgan. Zino, fahshga botib ketdi arab mamlakatlari ham. Eng yomoni hamma shuncha narsalarni ko'rib-turib ham xotirjam. Tavba qilish kerak, tavba. Tavbalarimizga ham tavba darkor...

@sirli_kitobxon

252 0 0 3

SIRLI KITOBXON I Ibragimov Ulug'bek

13 Jan, 13:54

Rivoyat qilinishicha, kunlardan bir kuni Iso alayhissalom bilan Iblis — Shayton suhbat qilib qolibdi. Iblis: “Ey Iso, shu tepalikdan o'zingni tashla, ajaling yetgan bo'lsa, o'lasan, ajaling yetmagan bo'lsa, o'lmaysan, sendan nima ketdi?
Наr narsani taqdirga yo'yasan, har narsani bilaman deysan. Hamma narsa Allohdan deysan.
E’tiqoding rost bo'lsa, tashla shu tepalikdan", — deganida Iso alayhissalom shunday degan ekan: “Ey Iblis, men bu dunyoga imtihon qilingani kelganman. Imtihon qilgani emas..."

📖 "Tushimda qiyomatni ko'rdim"
✍🏻 Abdukarim Mirzayev

#asardan

@sirli_kitobxon

274 0 2 8

SIRLI KITOBXON I Ibragimov Ulug'bek

13 Jan, 07:45

Bizni mol-davlatimiz qutqarib qololmasligi mumkin, lekin bir g'aribning ko'nglini olish, bir nochorning og'iriga yelka tutish qayerdadir boshimizga soyabon bo'lishi muqarrarligini esimizdan chiqarmasligimiz kerak.

O'zi bu dunyo juda arzimas, ya'ni eski bir poyabzal, lekin biz, insonlar, uni yuzimizga kiyib olganmiz.

Hаr qanday mashaqqatli yo‘l yorug'likka olib chiqadi.

O'zimizning kimligimiz o'zimizga ma’Ium.

Biz bu yerga imtihon qilingani kelganmiz, imtihon qilgani emas.

Biz hayotda egri yo'llarga kirib qolganlarni ko'rsak, ulardan yuz o'giramiz. Go'yoki biz to'g'ri yo'ldamiz-u, ular adashib qolgan. To'g'ri yo'ldaligimiz uchun ulardan ustunmiz. Ular adashgani yoki isyonga ketgani uchun bizdan pastroqda degan munosabatda bo'Iamiz. Bu munosabat juda noto'g'ri.

Johilliklarimiz o'zimizni bilimli hisoblashimiz, o'zimizga qo'yib olgan bahomiz ortiga berkitilgan. Shu qadar johilmizki, johilligimizni anglamaymiz.

Qorni to'q yuzlab odamlar yig'ilib olib, soatlab qo'lini ko'kka ko'tarmaydimi! Ular istayotgan narsani bir mazlum istamayotgan bo'Isa, Alloh, albatta, mazlumning duosini qabul qiladi.

Dunyoda ikkita narsa juda oson: birinchisi — yiqilgan daraxtning ustiga chiqish, ikkinchisi - yiqilgan odamni tepkilash...

Hech kim hech kimning hayotida, hech kim hech kimning yo'lida shunchaki paydo bo'lib qolmaydi.

Bu dunyoda farzandsiz tomog'idan bir tomchi suv o'tmaydigan ota-onalar qiyomat kuni do'zaxga tushmaslik uchun farzandlarini qurbon qilishga tayyor bo'lar ekan.

Oldinga harakat qilmagan hamma narsa orqaga harakat qiladi.

📖 "Tushimda qiyomatni ko'rdim"
✍🏻 Abdukarim Mirzayev

#iqtiboslar

@sirli_kitobxon

238 0 0 1

SIRLI KITOBXON I Ibragimov Ulug'bek

12 Jan, 11:52

Dunyoga ko'p berildik, haddan ziyod. Qalblarni isloh qilish kerak. Oldin dil va tilda Alloh edi. Keyinchalik faqat tilda qoldi. Endi esa tilda ham hech narsa yo'q. Mavjud bo'lmagan insoniy muhabbatlar haqida gapiramiz. Dinni ham rasvo qilib yubordik. Hali mavjud bo'lmagan insonlarni sevdig-u, doim biz bilan bo'lgan Allohni unutdik... Bo'ldi, hikoyalaringizni ishqiy postlaringiz bilan bezatishingiz mumkin! Bitdi.

@sirli_kitobxon

240 0 2 2

SIRLI KITOBXON I Ibragimov Ulug'bek

12 Jan, 07:57

Shuhrat- og'uli o'qqa o'xshaydi. Shon-shuhratning lazzatini bir marta tatib ko'rgandan keyin butun dunyo meniki deb o'ylaysan...

Men seni har doim magʻlub qilganman, senga nima desam, quloqlaringga nima deb pichirlasam, oʻshani etirozsiz bajargansan, esladingmi?

Bu dunyo tushga oʻxshaydi.
Tushingizda koʻrgan narsalaringizni uyg'onganizda topa olasizmi?
Yoki tushingizda ega boʻlgan mol davlatni uygʻonganizda ko'rmasangiz xafa boʻlasizmi?
G'am tashvish chekasizmi?
Yo'q, albatta.
Aytmoqchimanki, bu dunyo ham bir tushdir.

Sen oʻzingga tegishli bo'lganingdan ko'ra ko'proq menga tegishlisan ...

Allohga osiylik qilgan shaytonning har ishni qila olishiga ishonasan-u, Allohning bir do’stiga nima uchun ishonmaysan?

Yolgʻonchi dunyoga aldanib qolma,
Bu majlis tarqalar, devon zavqlanmas.
Ikki eshik orasidir bu dunyo,
Kelgan ketar, mehmon zavqlanmas.

📖 "Men - bas qil, ey nafs"
✍🏻 Fotih Duman

#iqtiboslar

@sirli_kitobxon

250 0 2 1

SIRLI KITOBXON I Ibragimov Ulug'bek

11 Jan, 08:38

Ona tili o'qituvchim aytardi: "Odamlar Furqat ismi ma'nosini bilib-bilmay o'z farzandlariga berishadi. Ma'nosi ayriliq, judolik degani. Bunday nomni berish xato."
Yanglishgan ekan...

@sirli_kitobxon

244 0 0

Показано 20 последних публикаций.

274

подписчиков

Статистика канала

Популярное в канале

Asqad Muxtorning "Uyqu qochganda (Tundaliklar)" asariga taqriz "...Asqad Muxtor hayoti o'sha v...

Afsus, it qargʻagan Kafkani oʻqib, Soʻzlab qoʻydim otamga qarshi. Laʼnati kitoblar... Yoʻqolsin ...

Biz nimaiki yozsak, kimdandir iqtibos olamiz. Falon donishmand bunday degan, falon klassik unday ...

O'tgan rus hamda G'arb adabiyoti va san'atida hamma asarlar bir turda an'anaviy insoniy edi: Push...

Adabiyot fan-texnika inqilobi davrida ham ishonch bilan ish ko'rish kerak. Ekzyuperi maqtagan sam...