Kimlardir joniga joylarlar, illo,
Mensiz baxtiyorlar, buzmasin axdin!
Kim uchun havoman, alhamdulillah,
Mensiz yasholmaslar, boringiz baxtim!

Tinchingiz buzmayman, tilanib mehr,
Bezovta qilinmas menikimaslar!
Bilsangiz, osmonning osmoni qadr,
Omon boʻlaqoling ishqi nokaslar!

Mensiz yashay olgan, mensiz kulgan u,
Mungli navo kabi taralganlarim.
Yaxshiki yonimda yaxshi koʻrganu,
Bekamu-koʻst qilib yaralganlarim!

Meni xush koʻrmasga, soʻrayman sabr,
Xush koʻrarga, Tangrim himoyatini!
Meni suymaganga tilayman umr,
Suyganga juft dunyo saodatini!