Iqtisodiyot va moliya vazirligi mas’ul xodimi Sodiqjon Saidov, viloyat iqtisodiyot va moliya boshqarmasi boshlig‘i o‘rinbosari Shoxrux Gadaniyazov hamda tuman hokimining birinchi o‘rinbosari San’at Saidov tomonidan, Shovot tumanini ijtimoiy-iqtisodiy rivojlantirish bo‘yicha olib borilayotgan ishlar va amalga oshirilayotgan “drayver” loyihalar o‘rganildi.

Jumladan, Shovot kanalining ikki qirg‘oqida tunu-kun (24/7) rejimda faoliyat ko‘rsatadigan ko‘ngilochar va xizmat ko‘rsatish maskani, tumandagi “Mahtumquli” mahallasi hududidan 12,7 ga yer maydonida yengil va yuk avtomobillari uchun avtoturargoh hamda texnik xizmat ko‘rsatish “Logistika markazi”, “Shovot dehqon bozori” mas’uliyati cheklangan jamiyati hududiga qarashli bo‘sh turgan yer maydonidan samarali foydalanish maqsadida zamonaviy yopiq pavilyon qurish loyihalari bilan tanishdilar.

Shovot tumani hokimligi axborot xizmati.
Telegram|Facebook|Instagram|YouTube|Veb-sayt