Shokirjonov news

Мопед, скутер ва электроциклларга номер тақиб, права олишга мажбур қилганлар: буёғини ҳам ўйлаганмисизлар? Ё ногиронлар СССР чоғидагидек уйидан чиқмасдан ўтириши керакми?

«Ассалому алейкум, Шухрат ака.

Мен Навоий вилояти Кармана тумандан 1-гуруҳ ногирони Қ.Амонов бўламан. Авариядан кейин ногирон бўлганман, ҳассада юроламан, ногиронлар аравачасида ҳам.

4 йил олдин бир саховатпеша ҳомий инсон уч ғилдиракли электроцикл олиб берувди, ҳозирги кунда кўчада ўшани миниб юрибман.

Энди уни бошқариш учун правага ўқиш керак экан. Автономер олиш керак экан. Техпаспорт олиш 1 миллион 600 минг сўм экан. «Ватанпарвар»га бордим. Ҳайдовчилик гувоҳномасига ўқиш учун 1,5 миллион сўм тўлаш керак экан.

Менга борип 83-форма медсправка қилиб кел, дедилар. Кармана туман тиббиёт бирлашмасига бордим. 83-форма справка 147 минг сўм экан. Поликлиника мудири Нодир Саидовга учрашдим. «Сизга автоулов бошқариш мумкин эмас, мен рухсат бермайман», деди. Шифохона бош врачи Розиқовга бордим. «Мен билмасам», деди. Саидовнинг олдига яна бордик. «Эртага келинг», деди. Эртаси куни ёмғирда уч нафар ногирон Саидовнинг олдига бордик. 26-хонада комиссия бўлаётган экан. 1,5 соат кутдик. Чиқиб, бизларни кўриб қочиб кетди. Уч киши ёмғирда чиқиб изладик. Бош врач Розиқовнинг кабинетида эканлар. Чиқди. «Тиббий кўрикдан бизни ўтказинг, агар мумкин бўлмаса, ёзма равишда ёзиб беринглар», десам «ХОҲЛАСАМ ёзаман, ХОҲЛАСАМ ёзмайман, — деди НОДИРЖОН САИДОВ. — ҚАЕРГА борсанг бор», деди.

1 мартгача оз қолди. Қачон ўқиймиз, қачон хужжатларни тузатамиз. 1 мартдан бошлаб кўчага ҳайдаб чиқсак, ЙПХ ходимлари уловимизни жарима майдончасига тиқса, жаримани қаердан тўлаймиз?! Ўзи 1 миллион сўм нафақа олсак?

Ақлу ҳушим жойида. Неврапатолог учётида турмайман. Руҳий касал эмасман. Тутқаноғим йуқ. Фақат, бир оёғимдан ажралганман, электроциклда ҳаммаси қўлда бошқарилади, фақат тормозни бир оёғимда босаман.

Давлатга боқиманда бўлмайлик, деб ўзимизнинг кунимизни кўриб юрган бўлсак. Кейин пиёда юрамизми ёки уйда ўтирамизми?! Ҳукуматимиз шунча қарор чиқарган бўлса у қарорлар бизлар учун эмасми?

Баъзи саволларимиз бор:

1). Ногиронлар энди электроцикл ҳайдолмайдими?
2). Тиббий кўрикдан ўтиш пулликми? Нима учун бизларни бунча югуртиради бу шифокорлар?

Вақт оз қоляпти. Шунга бирор бир инсон борми шу саволларимга жавоб берадиган. Бизлар нима қилайлик, ахир?!»

➡️ @shokirjonov

Самарқандда темирйўлга бетон бўлаги қўйиб кетилди

Бетон шпал бўлагини уриб кетган “Афросиёб” поезди маълум муддат тўхтаб қолган ва манзилга қарийб 1,5 соат кечикиб борган. Поездда юздан ортиқ йўловчи бўлган.

Шу шпални темирйўлга қўйиб кетган мараз(лар) поезд ағнаб кетиб, одамлар ўлишини кутган-да, энди, а?

Топиб, тиқвориш керак.

➡️ @shokirjonov

Туркия компанияси Самарқанд–Бухоро пулли йўлини қуради

Туркиянинг “IC İçtaş İnşaat” компанияси Самарқанд, Бухоро ва Навоий вилоятларидан ўтувчи янги тезюрар пулли автомобил йўли қурилишида иштирок этишни режалаштирмоқда. Лойиҳа қиймати 1 млрд доллар бўлиб, унинг 2027–2030 йилларда амалга оширилиши кўзда тутилган.

15 январ куни мазкур компания ва Ўзбекистон Автомобил йўллари қўмитаси ўртасида англашув меморандуми имзоланди.

“IC İçtaş İnşaat” компанияси 55 йиллик тажрибага эга бўлиб, Туркияда ва бошқа давлатларда йирик йўллар, кўприклар ва аэропортларни қуришда қатнашган. Хусусан, компания Истанбулда денгиз устида 1,5 км узунликдаги “Ёвуз Султон Салим” кўприги ва Виетнамда янги аэропорт қурилишида иштирок этган.

2024 йил августидаги президент қарорига мувофиқ, Самарқанд–Бухоро пулли йўлини қуриш тасдиқланган.

➡️ @shokirjonov

Четдан телефон олиб киришга бож жорий этилмоқда

2024 йилдан бошлаб, янги телефонлар ва сим карта кетадиган бошқа мобил қурилмаларни Ўзбекистонга олиб киришда божхона декларациясини тўлдириш мажбурий бўлди.

Энди қурилмани IMEI тизимида қайддан ўтказиш учун хорижга чиқиб келганлик фактининг ўзи етарли эмас.

Мабодо декларация тўлдирилмаса, қурилмани UzIMEI тизимида рўйхатга олиш учун 30 фоизлик бож тўлаш талаб қилинади. Бу бож эса янги телефоннинг расмий нархига қараб ҳисобланади.

Ҳозир хориждан Ўзбекистонга кириб келаётган фуқаро бир мартанинг ўзида иккита янги телефон олиб кириш мумкин (илгари олти ойда бир марта мумкин эди). Фақат самолётда келганда бу телефонларнинг жами нархи 2000 доллардан, поездда – 1000 доллардан, машинада – 300 доллардан ошмаслиги керак. Лимитдан ошса, қийматнинг ортиқча қисмига 30 фоиз бож ундирилади.

Айтайлик, сиз самолётда чет элдан келиб, ўзингиз билан 1200 долларлик иккита iPhone 16 Pro Max олиб кираётган бўлсангиз, жами сумма — 2400 долларнинг лимитдан ошиқ 400 доллар қисмидан 30 фоиз, яъни 120 доллар бож тўлайсиз. Агар чегарани кесиб ўтаётганда божхона декларацияси тўлдирмаган бўлсангиз, қурилмани UzIMEI тизимида регистрация қилиш учун 720 доллар бож тўлайсиз.

Бож тўланмаса телефонни UzIMEI тизимида регистрация қилиб бўлмайди.

Нафақат телефонлар, шунингдек, планшетлар ва SIM карта модулли бошқа қурилмаларни олиб киришда декларация тўлдириш шарт. Аммо соатлар, модемлар ёки компютерлар учун декларация талаб қилинмайди.

Бу чора ноқонуний олиб кирилган телефонларни аниқлаш учун жорий қилингани айтилмоқда. Янги тартиб UzIMEI тизимида регистрациядан ўтмаган барча қурилмалар, жумладан, хориждан сотиб олинган ва аввал фойдаланилмаган телефонлар учун ҳам амал қилади.

Хуллас, Ўзбекистонга хориждан телефон олиб киришда декларацияни тўлдиринг, ортиқча харажатлардан қочинг. Ўзбекистон ҳудудида янги қурилма сотиб олсангиз, унинг UzIMEI тизимида рўйхатга олинганлигини албатта текширинг.

➡️ @shokirjonov

Шумхабар

Самарқанд шаҳридаги мактаблардан бирида ўқийдиган ўсмир қиз тураржой биносининг 9-қаватидан ўзини ташлаб, жонига қасд қилибди...

➡️ @shokirjonov

Самарқанд шаҳри, Самарқанд ва Оқдарё туманлари
чегаралари ўзгармоқда

ОМҚПда ўтган мажлисда депутатлар Самарқанд вилоятининг Самарқанд шаҳри, Самарқанд ва Оқдарё туманлари чегараларини ўзгартириш тўғрисидаги масалани кўриб чиқдилар.

Таъкидланганидек, Самарқанд шаҳрининг меъморий қиёфасини янада яхшилаш ва ободонлаштириш, хорижий ва маҳаллий инвесторлар учун жозибадорлигини ошириш, шунингдек, ҳудуднинг туризм салоҳиятидан самарали фойдаланиш, замонавий бизнес, молиявий ва туристик инфратузилмаларни жадал ривожлантиришни таъминлаш борасида қатор ишлар амалга оширилмоқда.

Хусусан, Ўзбекистон Республикаси Президентининг қарори билан, ҳудудда 2023 – 2030-йилларда “Ширин” замонавий ишбилармонлик маркази ва турар-жойлар комплексини барпо этиш дирекциясини ташкил этиш ишлари олиб борилмоқда.

Шундан келиб чиқиб, Вазирлар Маҳкамасининг таклифига асосан, Самарқанд туманидан 170 гектар ва Оқдарё туманидан 243 гектар ер майдони Самарқанд шаҳри таркибига ўтказилиши назарда тутилмоқда.

Мажлисда қарор лойиҳаси тегишли маҳалла фуқаролар йиғинлари, халқ депутатлари Самарқанд шаҳар, Самарқанд ва Оқдарё туманлари ҳамда вилоят Кенгашларида муҳокама қилиниб, чегараларнинг картографик чизмаси ва чегаралар чизиғининг таснифи маъқулланганлиги қайд этилди. Шунингдек, қарор лойиҳасида ҳудуднинг чегараларини ўзгартириш ва унда белгиланган вазифаларни тизимли амалга ошириш мақсадида Ҳукуматга комплекс чора-тадбирларни амалга ошириш вазифаси юклатилди.

Мазкур туман ва шаҳар чегараларининг ўзгариши билан “Ширин” замонавий ишбилармонлик маркази ташкил этилиб, ушбу ҳудудда
254 та кўп қаватли уй-жойлар, 19 та ишбилармонлик ва бизнес марказлари, 50 та ижтимоий соҳа обектлари, 89 та кўнгилочар ва савдо комплекслари ҳамда тарихий шаҳарча барпо этилади.

Бундан ташқари, ҳудудда 112 км ички йўллар, пиёдалар ва велосипед йўлаклари, 6 км ер усти метро йўли, 2 та катта кўприк ҳамда 7,2 км ички коммуникация учун тоннел, 180 км ирригация қувури ҳамда 14 км канал ва кўплаб суғориш иншоотлари қурилади.

Депутатларнинг фикрича, киритилаётган ўзгартишлар келгусида аҳоли турмуш шароитини янада яхшилаш, ишлаб чиқариш ва хизмат кўрсатиш соҳаларини кенгайтиришга хизмат қилади.

Мажлисда қарор лойиҳаси депутатлар томонидан қабул қилинди.

Футбол хабарлари ва янгиликлари ҳақида ёзадиган журналистларимизнинг Телеграм каналларига обуна бўлинг.

Ушбу ҳаволага ўтинг:
👉 https://t.me/addlist/EAgfU8aBG2U2MTRi

Бугун — Ватан ҳимоячилари куни.

Каналимизнинг барча аъзоларини байрам билан табриклайман. Юртимиз доимо тинч, осуда бўлсин.

➡️ @shokirjonov

Худди шу Кимёгарлар қўрғонининг бешта маҳалласи ва бунга ёндош бўлган Паст Дарғом туманининг Найман маҳалласида пайшанба-якшанба кунлари жами 17 киши метил спиртдан заҳарланиб ўлгани тахмин қилинмоқда.

Биргина Нурафшон маҳалласида сўнгги 4 кун ичида етти киши ўлган.

Ўлганларнинг барчаси 45-65 ёш орасидаги ва спиртли ичимликлар истеъмолига ружу қўйган одамлар бўлган. Ўлганлардан бир нафари аёл киши.

Метил спирт маҳалладаги дўконлардан бирида баклашкада яширинча сотилган.

Кейинроқ Kun.uz'да батафсил репортажимиз чиқади.

➡️ @shokirjonov

HUMO'ни хусусийлаштириш бўйича келишувга эришилди

“Миллий банклараро процессинг маркази” АЖнинг 100 фоиз давлат акциялари пакетини сотиш бўйича хусусийлаштириш жараёнда 6 та номзод иштирок этиш учун таклиф қилинди. Бу босқичда, Маълумотларни ошкор қилмаслик борасида битимни имзолаган номзодларга молиявий, солиқ, ҳуқуқий ва экологик таҳлилий ҳисоботлар билан танишиш, Жамият бошқарув органи билан учрашиш имкони бўлди.

“Paynet” АЖ 65 миллион АҚШ доллари миқдорида энг юқори таклифни бериб, савдонинг ғолиби деб топилди.

«Paynet» Ўзбекистон молиявий технологиялар соҳасида 18 йилдан ортиқ фаолият юритиб, 1500 дан ортиқ товар ва хизматлар етказиб берувчиларга тўлов имконияти тақдим этмоқда.

➡️ @shokirjonov