“ХОТИН-ҚИЗЛАР ЎРТАСИДА ИЖТИМОИЙ-МАЪНАВИЙ МУҲИТНИ СОҒЛОМЛАШТИРИШНИНГ ДОЛЗАРБ МАСАЛАЛАРИ” МАВЗУСИДАГИ ЎҚУВ-АМАЛИЙ СЕМИНАРИ ЯКУНЛАНДИ

Фаолиятда қўл келадиган етук билим ва кўникмалар ўзлаштирилди

Уч кун давом этган мазкур ўқув-амалий семинарда 220 га яқин тингловчилар иштирок этди.

Ҳудудларда ижтимоий-маънавий муҳитни соғломлаштиришга масъул раҳбар кадрларнинг бошқарув йўналишидаги билим ва кўникмаларини ривожлантириш мақсадида ташкил этилган семинарда жамиятда хотин-қизларга тазйиқ ва зўравонликка нисбатан муросасизлик муҳитини яратиш, хотин-қизлар орасида ҳуқуқбузарликлар ва жиноятчиликнинг олдини олиш, соғлом оилани шакллантириш, хотин-қизларни касб-ҳунар ва юқори даромад топишини таъминлаш каби масалаларда тингловчиларга замонавий билимларни ва кўникмалар улашилди.

Семинарнинг ёпилиш маросимида Бош вазир ўринбосари – Оила ва хотин-қизлар қўмитаси раиси Зулайхо Махкамова иштирок этди.

Давлатимиз раҳбари томонидан хотин-қизларни қўллаб қувватлаш, уларга шарт-шароитлар яратиш бўйича олиб борилаётган кенг кўламли ислоҳотларни жорий этилишида мазкур семинарда иштирок этаётган тингловчиларнинг роли ва меҳнати алоҳида таъкидланди.

Айнан улар орқали мамлакатимиздаги барча хотин-қизларни рози қилиш ва қўллаб-қувватлаш амалга оширилиши ва бу йўлда улардан янада самарали ва сермаҳсул фаолият олиб боришлари лозимлиги қайд этилди. Бунда ташкил этилган мазкур ўқув-амалий семинарда олинган билимлар қўл келиши айтиб ўтилди.

🔍Veb sayt | 🌐Telegram | 📱Instagram | 🛜Facebook | 🎥YouTube