***
Shirin orzularga to'lib, yashnagan,
Mehrdan kuch olib, ishqda yashagan
Sen sabab hayotni taniy boshlagan ,
Avaylab, qizg'ongan qalbimsan mening!

Diydoring kutmoqqa yetarmi toqat ?
Bilsayding baxtliman sen bilan faqat ,
Kutganim sezganday imillaydi vaqt ,
Hammadan yashirgan dardimsan mening!

Hijronlar og'riqli , sog'inchlar taxir ,
Senda yurak yo'qmi, jonginam, axir,
Bu dunyo bunchalar sinovga mohir ?
O'ylasam, eng og'ir shartimsan mening!

Yashash qiyinmasmi bir umr sevib ?
So'ng butkul unutib, ko'zyoshim terib,
Bir bor qarashingga jonimni berib ,
G'ururga yengilgan paytimsan mening!

✍Sug'diyona

Telegram.me/Sherlari_Sevgi