Она йиғламасин

Бир нола борки, дунё титратар,
Бир томчи ёши денгиз авжлатар,
Хаттоки қалби тошни  йиғлатар,
Фарзанд доғида она йиғламасин.

Фироғи кул бўлур кўз қаросида,
Хасрати ўт бўлур қалб яросида,
Бу не зотки мотам нидосида,
Фарзанд доғида она йиғламасин.

Тўққиз ой вужудин жонлатган кундан,
Улғайтириб вояга етқазган кундан,
Ўзидан аввал кетмаган кундан,
Фарзанд доғида она йиғламасин.

Дилбанди учун кечар жонидан,
Минг жафо чекар бир зум, онидан,
Гўёки яралган меҳроб конидан,
Фарзанд доғида она йиғламасин.

✍ Юсупова Зулфия.


https://t.me/+PBE4iYDhh-GjsEVv


Ⓜ️anba: @sherlar


        👍 #like_boss