*СЕНГА ШУНДАЙ ОШИҚ БЎЛГАНМАН*

Илк бор сени учратганимда,
Ўзимни йўқотиб бўлганман.
Жиз этиб бир нима танимда,
Сенга шундай ошиқ бўлганман.

Кўзингдан узолмай кўзимни,
Тил ожиз, айтолмай сўзимни,
Ўзингда топиб мен ўзимни,
Сенга шундай ошиқ бўлганман.

Юрак дер, бир лахза тин олмай,
Ўзингдан ўзгани тан олмай,
Севаман! Бошқани деёлмай,
Сенга шундай ошиқ бўлганман.

Гул тўла чаманзор, сен эмас,
Атрирлар, ифоринг тенггимас,
Сенсиз, менга етмай қолади нафас,
Сенга шундай ошиқ бўлганман.

Жисмиму руҳимнинг кераги сенсан,
Қалбимнинг ягона малаги сенсан,
Энг гўзал дуолар безаги сенсан,
Сенга шундай ошиқ бўлганман.

Минг ўлиб, минг тирилса жоним,
Танлар эдим мен сени доим,
Кулиб турган эй мехрибоним,
Сенга шундай ошиқ бўлганман.

✍Абдумуталиб Эргашалиев

https://t.me/+PBE4iYDhh-GjsEVv


Ⓜ️anba: @sherlar


        👍 #like_boss👇