КЕТМАЯБСИЗ ХАЁЛЛАРИМДАН

Қалбим маҳкам эгаллаб олиб,
Ишқ оловин юракка солиб,
Дил кўшкида сиз ўрнаб қолиб,
Кетмаябсиз, хаёлларимдан.

Ўз-ўзимга қолябман ҳайрон,
Бахтимга сиз бўлинг-да омон,
Ҳайратдаман соғиндим ёмон,
Кетмаябсиз, хаёлларимдан.

Ўртамизга солманг сиз алдов,
Соғинсам мен келингиз дарров,
Энди ҳеч ҳам бўлмангиз биров,
Кетмаябсиз, хаёлларимдан.

Муҳаббатда қилдингиз аср,
Бахт боғида қурайлик қаср,
Иккимизда бўлмасин ҳеч сир,
Кетмаябсиз, хаёлларимдан.

Ҳар ишимда топдингиз чора,
Мен учун сиз бўлиб овора,
Яна кўрай келинг бир бора,
Кетмаябсиз, хаёлларимдан.

Яхши ният қилайлик эзгу,
Малҳам бўлинг келмасин қайғу,
Муҳаббат бу олий бир туйғу,
Кетмаябсиз, хаёлларимдан.

✍️ Солиҳабегим
Дилафруз Шаҳрихоний