KULIB YASHA, XASTA
KOʻNGLIM

Gʻamlar kelsa, eshigingni ochma endi,
Majburdirsan, kulgu bilan qadam tashla.
Shodlik kelsa, har tarafga qochma endi,
Kulib yasha, xasta koʻnglim, kulib yasha.

Yaralaring bitib ketar, ishonsang menga,
Soʻnggi umid chirogʻingni yoqishni boshla.
Bu buyruqmas, xafa boʻlma, maslahat senga,
Kulib yasha, xasta koʻnglim, kulib yasha.

Dunyolarga o't tushsa ham, boʻlib soʻnggi kun,
Soxtamassan, doim magʻrur boʻlib yasha.
Mayli seni deyishsinlar, holingni yupun,
Kulib yasha, xasta koʻnglim, kulib yasha.

Bilayapman, sen armondan biroz charchading,
Sham boʻlmagin, vulqonlardek yonib yasha.
Aytar boʻlsang, Allohimga aytgin dardlaring,
Kulib yasha, xasta koʻnglim, kulib yasha.

Qara, kelayapti, sen kutmagan nurli kunlar,
Har tonglarni, shukur bilan boshlab yasha.
Begonalar boʻlib ketsin, bedor tunlar,
Kulib yasha, xasta koʻnglim, kulib yasha.


26. 06. 2024.
✍Mirzohid Farrah

• Surxondaryo viloyati
Qumqoʻrgʻon tumani

https://t.me/sevgi_haqida_sherlarimiz