🔥Boshqa birovmidi?

Men yengildim! teshib o'tdi ko'ksimni o'q,
Xislaringiz erib ketar qirovmidi?
Do'stmiz... deya ketarkansiz insofi yo'q!
Ko'nglingizda menmas boshqa birovmidi?

Yo'lingizni poylab sira tolmadim hech,
Ho'p deguncha ortingizdan qolmadim hech,
Fatvo bering men hali tan olmadim hech,
Ko'nglingizda menmas boshqa birovmidi?

G'amlaringiz mening ham shu o'yim debman,
Qiy'nog'ingiz shirin azob ko'yim debman,
Kim? so'rasa kelasi yil to'yim debman,
Ko'nglingizda menmas boshqa birovmidi?

Kuyishimni sezmay o'zni ko'kka ildim,
Sal mehrga shukur ila vafo qildim,
Oxirida Xudo bildi, o'zim bildim,
Ko'nglingizda menmas boshqa birovmidi?

Do'ndirdingiz yurakdan joy o'yishlikni,
O'rgating! bir pichoqsiz ham so'yishlikni,
Bilmay qoldim sizni kimga yo'yishlikni,
Ko'nglingizda menmas boshqa birovmidi?

Sarvar Mirzo ne qilaman kelsa qahr,
Ahvolimni tang bo'lmog'i o'zga jabr,
Sevolmayman deyishga kech bo'ldi ahir,
Tanlagani menmas boshqa birovmidi?

Do'stmiz deya ketarkansiz insofi yo'q!
Ko'nglingizda menmas boshqa birovmidi?

Muallif✍Sarvar Mirzo
19.12.2024. 00:09
❌Muallif ruxsatisiz foydalanilmasin

Sarvar Mirzo

@sevgi_haqida_sherlarimiz