Hazrati Umar (r.a.) bu masalada qaror qabul qilishdan oldin, tajribali sahobalarning fikrlarini eshitadi. Keyin, Abdulrahmon ibn Avf (r.a.) kelib, Rasululloh (s.a.v.) ning shunday deganlarini rivoyat qiladi:

“Agar biror joyda vabo tarqalganini eshitsangiz, u yerga kirmang. Agar siz bo‘lgan joyda vabo tarqalsa, u yerdan chiqib ketmang.” (Buxoriy, Muslim)

Shundan so‘ng, Hazrat Umar (r.a.) Shomga kirmaslikka qaror qiladi va ortga qaytadi. Bu qaror ustidan bir sahoba:

“Ey Umar, Allohning taqdiridan qochmoqchimisiz?” deb so‘raydi.