📹 #ONLAYN

📍 Ayni paytda Samarqand shahrida “Turkiy dunyo shaharsozlik qurultoyi” o‘z ishini davom ettirmoqda. Mazkur nufuzli anjumanda Qurilish va uy-joy kommunal xo‘jaligi vaziri nutq so‘zladi.

Vazir o‘z nutqida O‘zbekiston va Turkiya o‘rtasidagi tarixiy yaqinlik hamda qurilish sohasidagi hamkorlikning yuksalayotganini ta’kidladi. U turkiyalik qurilish kompaniyalari va arxitektorlar mamlakatimizda faoliyat yuritib, zamonaviy shaharsozlik loyihalariga o‘z hissasini qo‘shayotganini qayd etdi.

Shaharlarni kengaytirish va yangi shaharlar barpo etish O'zbekistonning shaharsozlik yo'nalishidagi asosiy vazifalardan biridir.

“Hozirda Prezidentimiz tashabbusi bilan 20 ming gektar maydonda Yangi Toshkent shahrini barpo etish ishlari boshlangan. Bu loyiha O‘zbekistonning urbanizatsiya jarayonida muhim qadam bo‘ladi”, - deya ta'kidladi Sh.Hidoyatov.

Nutq yakunida u qurilish va shaharsozlik sohasidagi hamkorlikni yanada rivojlantirish zarurligini qayd etib, “Yangi Toshkent va boshqa yirik loyihalar doirasida ko‘p qavatli uylar qurish, muhandislik kommunikatsiyalarini modernizatsiya qilish va infratuzilmani rivojlantirish bo‘yicha hamkorlik qilishga taklif etamiz”, - deya xorijiy investorlarni hamkorlikka chorladi.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|😎Telegram| 📹Youtube|