XAVOTIRMAN

Gunohim bordir ancha,
Tan olaman mardlarcha,
Yuribman telbalarcha,
O‘zimdan xavotirman.

Yonimda, zo‘rsan degan,
O‘zicha g‘amim yegan,
Omadim kulsa, kelgan,
Do‘stlardan xavotirman.

Har nega chopar bu nafs,
Menda ham bor hoy-havas,
Xonalar bo‘lar qafas,
Ertamdan xavotirman.

Savollarga javob yo‘q,
Bisotimda savob yo‘q,
Dushmanlarim ko‘ngli to‘q,
Hayotdan xavotirman.

Orzular dilda bisyor,
Ko‘nglim chekar oh-u zor,
Pul uchun doim tayyor
Insondan xavotirman.

Hamon yig‘lar yurakcham,
Oilam bir bo‘lakcham,
Baxtmi yurgan yo‘lakcham?
Ertamdan xavotirman.


✍ Rayxona Baxtiyorovna


https://t.me/rayxona_baxtiyorovna05

Muallif ruxsatisiz foydalanilmasin