✅ O'simliklar karantini va himoyasi agentligida tadbirkorlar ishtirokida davra suhbati o'tkazildi. Navbatdagi muloqotga qishloq xo'jaligi mahsulotlari uchun qadoq ishlab chiqaruvchi ishbilarmonlar taklif etildi.

◽️ 2024-yilda 209 ta qadoqlash korxonasi xalqaro talablarga muvofiqlashtirilib, Agentlikning reyestriga kiritildi. Oxirgi 4 oyda eksportda 30 foiz yog‘och yashik o‘rniga plastik va gofra karton qutilarga o‘tkazilib, eksport geografiyasi Yevropa va Arab davlatlariga yo‘naltirildi.

📈 2025-yilda ham ko'rsatgichlarni saqlab qolish, xalqaro talablarga javob beradigan korxonalar sonini ko'paytirish, mavjud ilg'or tajribalarni ommalashtiish rejalashtirilgan. Shu nuqtai nazardan mavjud muammolar ko'rib chiqildi va korxonalarni qo'llab-quvvatlash mexanizmlarini joriy etish masalasi muhokama etildi.

💬 Tadbirkorlar tomonidan uzoq masofaga mahsulot yetkazishda chidamli qadoqlar yaratish maqsadida maxsus kimyoviy vositalar importida aksiz miqdorini pasaytirish taklifi ilgari surildi. Bu yo'nalishda Buxoro viloyatida faoliyat yuritayotgan korxona o'z tajribasi bilan o'rtoqlashib, Xitoy texnologiyalarining afzalliklariga urg'u berildi.

🍒 Shuningdek, jahon bozorida O'zbekiston imidjini mustahkamlash maqsadida qishloq xo'jaligi mahsulotlarining "o'qlanishi" holatlarini oldini olishda jamoatchilik nazoratini kuchytirish taklif etildi.

💵 Yangi qadoqlovchi korxonalar uchun uskunalar, zaruriy butlovchi qismlarni olib kirishda bank imtiyozlari tartibi tushuntirib berildi.

🔰 karantin.uz 📱Facebook 📱Instagram📺Youtube ✖️Twitter