Қўқон шаҳрида Вьетнам тажрибаси асосида "Бир маҳалла-бир маҳсулот" ҳунармандлар кластерлари ташкил этилади

Қўқон шаҳар хокими Ханой шаҳрида делегация таркибидаги тадбиркорлар ва ҳунармандлар ҳамроҳлигида "Бир маҳалла-бир маҳсулот" тамойили асосида бир қишлоқ ҳудудида бамбук ва ўсимликлар новдаларидан экомаҳсулот - сават ва идишлар тўқиш тажрибасини ўрганди.

Бу ерда ишлаб чиқарилаётган маҳсулотлар АҚШ ва Австралия каби ривожланган мамлакатларга экспорт қилинмоқда.

Шунингдек вилоятимиз делегацияси Ван Фук қишлоғида ипакчилик ва тўқимачилик саноати билан танишиб, кооперация усуллари, барча тадбиркорларни бир маҳаллада бир маҳсулот ишлаб чиқаришининг фойдали жиҳатлари, маҳсулотлар экспортида янги бозорлар топиш ёндашувлари билан танишдилар

Қўқон шаҳрида ҳам "Бир маҳалла бир маҳсулот тамойили" бўйича Вьетнам тажрибасини қўллашга келишиб олинди.

qoqon.uz|Facebook|Instagram|YouTube|Pinterest |OK |TikTak|Telegram