⬇️1.Қабул қилиниш ва севилиш истаги

Кўпинча, "Аслимни кўрсатсам, мени севишмайди" деб ўйлаймиз. Қабул қилинмаслигидан қўрққан одам ўзини бошқача, яхшироқ қилиб кўрсатади.
Болаликда ота-онамиз, яқинларимиз истаганидек қиз бўлишга уринишимиз ҳам бизни ўзимизнинг "ичимизни" кўрсатишимизга халақит беради

⬇️2.Ўзини етарлича яхши деб ҳис қилмаслик

Агар аёл ўзини ҳақиқий ҳолатида қадрли деб ҳис қилмаса, у ўзида йўқ хислатларни бордек кўрсатиш орқали “бошқаларга ёқиш” га ҳаракат қилади. Яъни ўзини ҳақиқийлигини яшириб, “идеал” версия яратишга уринади.

⬇️3. Жамият босими ва идеал стандартлар

Инстаграм, телеграмдаги “идеал аёл, идеал келин" образини кўраверганимиз сари биз ҳам шунақа бўлишимиз керак, деб ўйлашга тушамиз. Баъзилар реал ҳаётда ҳам ўзларини ўша инстаграмдаги "зўр келин"лардек тутишга, идеаллаштирилган қиёфада кўрсатишга интилади.

⬇️4.Комплекслар ва ўтмиш хатолари

Агар аёлни болалигида кўп танқид қилишган ёки у ўзини доимо бошқалар билан солиштириб ўсган бўлса, у ўзини камчиликларидан “ҳимоя қилиш” учун ўзгача "маска" кийиб олишга уринади.

⬇️5. Ишончга кириб олиш учун

Қайнонажонларга нисбатан кўп қўлланиладиган техника бу. Лекин сохталик бирибир бир куни очилади, чунки ўзини яхши ва қулай тутишга уринган келин бир куни тўяди ҳаммасида, чарчайди. Шундай экан, борича бўлиш керак.