(۞ مَا نَنسَخۡ مِنۡ ءَایَةٍ أَوۡ نُنسِهَا نَأۡتِ بِخَیۡرࣲ مِّنۡهَاۤ أَوۡ مِثۡلِهَاۤۗ أَلَمۡ تَعۡلَمۡ أَنَّ ٱللَّهَ عَلَىٰ كُلِّ شَیۡءࣲ قَدِیرٌ)
[البقرة:١٠٦].

Бирор оятни бекор қилмаймиз ёки униттирмаймиз магарам ундан яхшироғини ёки шунга ўхшашини келтирамиз. Аллоҳ ҳар нарсага қодир эканини билмадингизми?! (Бақара: 106).

Аллоҳ таоло Яҳудлар ташлаган бирор шубҳани жавобсиз қолдирмаган. Ушбу оятда Аллоҳ таоло баъзи оятларни бекор қилиши ва инсонлар қалбидан унуттириб юбориши мумкинлигини айтмоқда. Чунки ҳолатлар ўзгариши билан баъзи ҳукмлар янгиланади ва эски оятни сатрларда ёки қалбларда қолишига ҳожат қолмайди. Бу нарса Аллоҳ таолони нуқсонли эмас балки ҳикмат эгаси эканлигига далолат қилади.

Оятнинг сўнгида У зот ўз Набиййига савол тариқасида сўзлагандай бўлиб бутун умматга хитоб қилиб: “Аллоҳ таоло ҳолат тақозо қилишига қараб бир оятни бекор қилиб ёки қалблардан унуттириб уни мислича ёки ундан ҳам яхшироқ оятни нозил қилишига қодир эмасми?!“- демоқда.

@qisqatafsir