Yoshlar bilan ishlash bo‘yicha Respublika ishchi guruhi Qamashi tumanida bo‘lib, muammolarni o‘rganish va hal etish yuzasidan tadbirlar o‘tkazdi. Tuman hokimligi binosida yoshlar bilan uchrashuv tashkil etilib, tadbirkorlik, san’at, sport va kitobxonlik bo‘yicha takliflar tinglandi. Axborot texnologiyalari va boshqa yo‘nalishlarda yordam ko‘rsatish belgilandi. Shuningdek, "Yoshlar markazi" va mini futbol maydoni faoliyati o‘rganildi, bandlik bo‘yicha ishlayotgan yoshlar bilan suhbatlar bo‘lib o‘tdi. "Kvadrat" o‘quv markazidagi sharoitlar, o‘qituvchilar va yoshlarning takliflari ham muhokama qilindi.