Qamashi tumani hokimi Xurshid Usmonov tuman tashkilot rahbarlari ishtirokida xorijda tahsil olayotgan va mehnat faoliyatini olib borayotgan yoshlar bilan onlayn muloqot o‘tkazdi.

Buyuk Britaniya, Rossiya, Tatariston davlatida bo‘lib turgan yoshlarning taklif va murojaatlari o‘rganildi.

Xususan, Buyuk Britaniyada tahsil olayotgan Marjona Meyliyeva tumanimizdagi yoshlarni xorijda tahsil olish bo‘yicha o‘z tajribalari bilan o‘rtoqlashish maqsadida onlayn muloqot o‘tkazish taklifini bildirdi. Uning taklifi ma’qullanib, tez kunda yoshlar bilan onlayn muloqot o‘tkazishga kelishib olindi.

Muloqot davomida bildirilgan murojaatlar tegishli tashkilotga biriktirilib, ijrosi nazoratga olindi.