ДУНЁДАН.!

Қайга бормай иғво-ю бўҳтон.
Гумонлардан беун чарчадим.
Таним ичра чиқувчидек бу жон.
Бу дунёдан жуда чарчадим.

Бир бирини кўролмас дўст ҳам.
Бир бирига келтиргани ғам.
Етмагандек ўзи бу бир кам.
Бу дунёдан жуда  чарчадим.

Кўча тўла одамлар қаранг.
Бир бирига йўл берар аранг.
Ола кўзли асаблар таранг.
Бу дунёдан жуда чарчадим.

Ҳақни айтсанг кулар устингдан.
Не ўтганин билмас кўнглингдан.
Ўтиб кетар экан жонингдан.
Бу дунёдан жуда чарчадим.

Дунё йиғар айёрлик билан.
Ҳеч ким иши йўқдир у билан.
Етим йиғлар кўзда қон билан.
Бу дунёдан жуда чарчадим.

Кетгим келар қўлимни силтаб.
Меҳр тўла водийни излаб.
Яшаяпман яхшини кўзлаб.
Бу дунёдан жуда чарчадим.

ФАРҲОДХОН.✍️

❣️❣️❣️❣️💯❣️❣️❣️

@qadrdonim2021
❤️ҚАДРДОНЛАРИМ❤️