Doimiy an’anaga ko’ra, institut rektori talabalar turar joyida istiqomat qiluvchi qizlar holidan xabar oldi.

Sadoqat Siddiqova talabalar turar joyida istiqomat qiluvchi qizlar bilan uchrashib, ularning hayoti va tadbirkorlik faoliyatlari bilan yaqindan tanishdi.

Rektor, birinchi navbatda, qizlarning qo‘l mehnatlari va tadbirkorlik faoliyatlarini rivojlantirishga rag‘batlantirdi. Tikuvchilik bilan shug‘ullanuvchi qizlar, o‘z navbatida, o‘zlarining ishlari va milliy matolar haqida gapirib berdilar.

Keyinchalik, qizlar bilan psixologik trening tashkil etildi. Unda qizlarning hayotdagi maqsadi, oila a'zolari, ayniqsa ota-onalari bilan munosabati haqida fikrlar bildirildi. Rektor o‘zining tajribalarini o‘rtoqlashib, jamiyatda ayollarning professional o‘sishidagi to‘siqlarni yengishi haqida so‘zlab berdi.

Suhbat davomida, psixologlar tomonidan o‘ziga ishonchni qaytarish, ruhiy holatni yaxshilash haqida maslahatlar berib o‘tildi.