#Ramazon
" Ayollarning ramazondagi ajrlari "Ramazon oyida , ayollar ajru-savob hosil qilish imkoniyatlari erkaklardan ko'ra ko'proq desak ham mubolag'a bo'lmaydi .Faqat buning uchun ayol : "Ihtisob" ya'ni , amalini shunchaki vazifa emas , ajru-savob umidida qilishi, bezor bo'lmasdan ochiq ko'ngil bilan bajarishi lozim !
Ibnu Qayyum rahimahulloh aytadilar:
"G'aflatdan uyg'oq kishilarning ODATIY ISHLARI ham IBODAT bo'ladi , (ajru-savob niyatidan) g'ofil bo'lganlarni esa IBODATLARI ham ODAT bo'lib qoladi ! (Miftahu-darus-saodat)
Shuning uchun ham Rasululloh alayhissalam,
Ramazon ro'zasi, va tungi namozlarida "Iymon va ajr umidida qilsa" deb shart qo'yib, mukofotiga o'tgan gunohlari mag'firat qilinadi deganlar . (Buxoriy-Muslim)
Demak, ayol Ramazonda :
1- ro'za tutish ajri,
2- uy ishlarini qilib eriga xizmat qilish ajri,
3-RO'ZADORLARGA IFTOR QILISH AJRLARIGA ega bo'ladi !
Bularning barchasini odatiy vazifa tarzida emas , ixlos bilan ajr niyatida qilishi lozim .
Rasululloh alayhissalam aytdilar :
"Kim bir ro'zadorga iftor qilib bersa , unga shu ro'zadorning mislidek ajr bo'lib, u ro'zadorning ham ajridan biror narsa noqis qilinmaydi !"(Buxoriy-Muslim)
Demak , ayolga har kuniga 2 kun ro'za ajri yoziladi !
Agar bu kundalik vazifalari, (pishir-kuydir, tozalash) asnosida tili zikrda , istig'foru salovatda bo'lsa , endi ibodatlar ichma-ich bo'lib, ayol ajrga ko'milib ketadi !
Endi bunga Ramazonda ajrlar ko'paytirib berilishi qo'shilsachi ?
Ibrohim an-Naxoiy aytadilar :
"Ramazonda bir dona tasbeh aytish, boshqa oydagi "Ming tasbeh" ga tengdir ! "Hatto, ayol uzrli (hayz) vaqtini ham: "Ro'za va namozdan qutuldim" deb emas , aksincha :" Alloh buyurganda shunda ham ibodatda bo'lar edim" deb qarshi olsa , bu kunlari ham boshqa kunlari singari tamomiy ajr yoziladi !
Rasululloh alayhissalam aytdilar:
"Agar banda kasal yoki musofir bo'lsa, unga muqim va sog'lom vaqtidagi qilib yurgan amallari mislidek qilib yoziladi !"(Sahih Buxoriy)
Albatta, uzrli holat ham kasallik hukmida bo'ladi .
Bu holatni ham savobini ziyodalashtirish mumkin !
Uzrli holat ayolga zikr qilishni ,va qur'onni (ushlamasdan) o'qishni man qilmaydi !
Ibnu Taymiyya rahimahulloh aytadilar:
Hayzli ayolni qiroatdan man qilgan ochiq sahih dalil yo'q ! Ma‘lumki, Rasululloh alayhissalam zamonida ham ayollar hayz ko'rar edilar , ularni sira qaytarmaganlar , shuningdek, zikr va duodan ham qaytarmaganlar !"
(Majmu'ul-Fatava)
Odatni ibodatga aylantiring, va bu ajrlarga ko'milib chiqishdan mahrum bo'lmang !
⬇️⬇️⬇️
@Muslimalar_fiqhi3
