Бугун шоир, адиб ва таржимон Асқад Мухтор таваллуд топган кун (1920–1997)

Cобирман

Ҳаммасига секин-аста эришдим мен,
Муҳаббат ҳам келди ҳаяллаб.
Билим аста ортди, ақл кирди шошмай,
Тажриба ҳам келди амаллаб.

Ҳамма нарса аста-секин келди,
У-бу ишга энди қодирман.
Бардошим бор, ҳамма нарсани мен
Сабр билан кутдим – собирман.

Энди бу ёғи ҳам шундай бўлаверсин,
Одат бўлиб қолди секин-асталик.
Қарилик ҳам келсин секинроқ,
Шошмай қўя қолсин хасталик.

Ўлим қанча имилласа майли,
Қанча кутгил деса, ҳозирман.
Бир умр кутишга ўрганган одам
Энди шошармиди?! Собирман...

Расмий саҳифаларимиз👇

Telegram | Facebook | X | Instagram